Nagarjuna: సమంత నాగచైతన్య విడాకులపై స్పందించిన నాగార్జున.. ఎంతో బాధాకరం అంటూ!

Nagarjuna: అక్కినేని నాగ చైతన్య, సమంత జంట గురించి ప్రత్యేకంగా చెప్పాల్సిన పనిలేదు. ప్రేమించుకుని పెద్దల సమక్షంలో వివాహం చేసుకున్న ఈ జంట నాలుగు సంవత్సరాల వైవాహిక జీవితం అనంతరం కొన్ని మనస్పర్థల కారణంగా విడాకులు తీసుకున్నారు. అయితే ఇప్పటి వరకు వీరికి అధికారికంగా విడాకులు వెలువడలేదు.

వీరు విడాకులు తీసుకొని సుమారు నాలుగు నెలలు కావస్తున్న తరుణంలో మొదటిసారిగా నాగార్జున వీరి విడాకులపై స్పందించి ఆసక్తికరమైన వ్యాఖ్యలు చేశారు. ఈ సందర్భంగా ఒక జాతీయ మీడియాకు ఇచ్చిన ఇంటర్వ్యూలో భాగంగా నాగార్జున వీరిద్దరి విడాకుల ప్రస్తావన గురించి మాట్లాడారు.

ఈ సందర్భంగా నాగార్జున మాట్లాడుతూ.. వారిద్దరి విడాకులు తీసుకోవడం ఎంతో బాధాకరమని తెలియజేశారు. ఇలాంటి పరిస్థితులను ఎదుర్కోవాలంటే ఏ వ్యక్తికైనా ఎంతో కష్టమని కానీ నాగచైతన్య మాత్రం ఈ విషయంలో ఎంతో హుందాగా ప్రవర్తించారని నాగార్జున తెలిపారు.

తనే నాకు ధైర్యం చెప్పారు..

ఈ విధమైనటువంటి క్లిష్ట పరిస్థితుల నుంచి చైతన్య ఎలా గట్టేక్కిస్తాడా అని ఎంతో కంగారుపడ్డాను అయితే చైతన్య ఎంతో పరిపక్వత చెందాడని, తనకు పరిస్థితులను తట్టుకుని నిలబడగలిగే ధైర్యం ఉందని తాను ధైర్యంగా ఉంటూ నాకే ఎంతో ధైర్యం చెప్పాడని నాగార్జున తెలియజేశారు. నాగ చైతన్య ఇంత తొందరగా ఈ సంఘటన నుంచి బయటపడి ఇలా సంతోషంగా ఉండడం చూస్తుంటే చాలా ఆనందంగా ఉందని తెలియజేశారు.