Nandamuri Balakrishna : నందమూరి కుటుంబం నుంచి ఇప్పటికే సీనియర్ ఎన్టీఆర్ తరువాత బాలకృష్ణ, హరికృష్ణ, కళ్యాణ్ రామ్, ఎన్టీఆర్, తారక రత్న సినీ పరిశ్రమకు పరిచయం అయిన సంగతి తెలిసిందే. హీరోలే కాదు, కొంతమంది పలు నిర్మాణ సంస్థలు స్థాపించి సినిమాలు నిర్మించటం కూడా జరిగింది. అయితే ఇపుడు మరొక హీరో నందమూరి కుటుంబం నుండి హీరోగా పరిచయం కాబోతున్నాడు.
పోస్టర్ ఆవిష్కరణ చేసిన బాలయ్య…
నందమూరి తారక రామారావు గారి పెద్ద కుమారుడు నందమూరి జయకృష్ణ, ‘బసవతారకరామ’ క్రియేషన్స్ బ్యానర్ ను స్థాపించడం జరిగింది. జయకృష్ణ వారి బ్యానర్ లో మొదటి చిత్రాన్ని వాళ్ళ అబ్బాయి చైతన్య కృష్ణను హీరోగా పరిచయం చేస్తూ నిర్మిస్తుండటం విశేషం. అయితే ఈ సినిమాకి సంబందించిన పోస్టర్ ను నందమూరి బాలకృష్ణ చేతులమీదుగా ఆవిష్కరించారు. ఈ సినిమాను ఇదివరకు రక్షణ, జక్కన్న సినిమాలను దర్శకత్వం వహించిన వంశీ దర్శకత్వం వహిస్తున్నారు.
ఈ సంధర్బంగా బాలకృష్ణ మాట్లాడుతూ… ఈ బ్యానర్ కూడా ఇదివరకు నందమూరి కుటుంబం నుంచి వచ్చిన బ్యానర్ లలో ఒకటిగానే భావిస్తున్నాను, ఇది కూడా మంచి విజయం సాదించాలని కోరుకుంటున్నాను అని చెప్పారు. ఇక చైతన్య కృష్ణ గురించి చెబుతూ, మా అబ్బాయి, అంతే కాదు మా నాన్న గారికి ఇష్టమైన మనవడు, తప్పకుండా సక్సెస్ అవ్వాలని కోరుకుంటున్నట్లు తెలియజేసారు. ఇక దర్శకుడు, చిత్రబృందానికి అభినందనలు తెలియజేసారు. అంతేకాకుండా తండ్రితో సమానమైన మా పెద్దన్నయ్య ఆశీర్వాదాం నాకుకూడా కావాలి అని పాదాభివందనం చేయడం అభిమానులను, నెటిజన్లను ఆకట్టుకుంటోంది.
