Nandamuri KalyanRam : భార్య పేరుని పచ్చబొట్టు వేయించుకున్న కళ్యాణ్ రామ్… తన మీద ప్రేమను చెప్పకనే చెప్పాడుగా..!

0
346

Nandamuri KalyanRam : కళ్యాణ్ రామ్ నటించిన తాజా చిత్రం బింబిసార. త్వరలోనే ఈ సినిమా ప్రేక్షకులకు ముందుకు రాబోతోంది. ఎంత మంచివాడవురా సినిమా తరువాత చాలా గ్యాప్ తో వస్తున్న సినిమా కావడంతో ఈ సినిమా మీద ఆసక్తి నెలకొంది. బింబిసార సినిమాకి సంబంధించి ట్రైలర్ కూడా ఇటీవల విడుదల చేశారు. ప్రేక్షకులను సైతం ఈ ట్రైలర్ బాగా ఆకట్టుకుంది. అయితే ట్రైలర్ విడుదల కార్యక్రమం కూడా జరిగిన విషయం తెలిసిందే. ఈ కార్యక్రమంలో హీరో కళ్యాణ్ రామ్ చేతికి పచ్చబొట్టు కెమెరా కంటికి చిక్కింది. ప్రస్తుతం ఇది హాట్ టాపిక్ గా వుంది.

తన భార్య స్వాతి పేరును పచ్చబొట్టుగా…

అభిమానులలో నందమూరి వారసులకు వున్న క్రేజ్ గురించి ప్రత్యేకంగా చెప్పక్కరలేదు. నందమూరి నట వారసులలో కళ్యాణ్ రామ్ ఒకరు. 2003 సంవత్సరంలో తొలిచూపులోనే సినిమాతో హీరోగా పరిచయం అయ్యారు. 2006 సంవత్సరం ఆగష్టు నెల 10వ తేదీన కళ్యాణ్ రామ్ వివాహం స్వాతి తో జరిగింది. స్వాతి వృత్తి రీత్య డాక్టర్. నందమూరి హీరోలు కుటుంబ బంధాలకు చాలా విలువ ఇస్తారు అన్న విషయం తెలిసిందే. అయితే ఇది మరోసారి రుజువు అయ్యింది.

కళ్యాణ్ రామ్ తన చేతి మీద తన భార్య స్వాతి పేరును పచ్చబొట్టు వేయించుకున్నారు. తన భార్య మీద తనకున్న ప్రేమను చెప్పకనే చెప్పేసాడు. అయితే కళ్యాణ్ రామ్ ఈ పచ్చబొట్టును చాలా సంవత్సరాల క్రితమే వేయించుకున్నాడు. కాకపోతే ప్రస్తుతం సోషల్ మీడియా లో దీనిమీద వార్తలు వస్తున్నాయి. అంతేకాదు కళ్యాణ్ రామ్ కుమారుడు శౌర్య రామ్, కూతురు తారక అద్విత తో పాటు వున్న ఫ్యామిలీ ఫోటోలు కూడా నెటిజన్లను ఆకట్టుకుంతున్నాయి. ప్రస్థుతం ఈ ఫోటోలు వైరల్ అవుతున్నాయి.