Nani : నాచురల్ స్టార్ నాని కొత్త సినిమా అంటే.. సుందరానికి శుక్రవారం జూన్ 10న విడుదలయింది. మొదటి షో తరువాత పాజిటివ్ టాక్ తో ఉన్న ఈ సినిమా మంచి వసూళ్లు రాబడుతుందని చిత్ర యూనిట్ భావిస్తోంది. అంటే.. సుందరానికి సినిమా ను వివేక్ అత్రేయ దర్శకత్వం వహించారు. ఇక వివేక్ సాగర్ సంగీతం అందించాడు. నాని కి జంటగా ఈ సినిమాలో నజ్రీయకి తొలిసారి స్ట్రైట్ తెలుగు సినిమా. ఇందులో ఒక ఇన్నోసెంట్ బ్రాహ్మణ యువకుడు సుందరం గా నాని కనిపిస్తాడు. ఇక ఇలాంటి వాడు అమెరికా వెళ్లడం క్రిస్టియన్ అమ్మాయి ఐన లీలా థామస్ ను ప్రేమించడం మతాంతర వివాహానికి సంబంధించిన కథను హాస్యభరితంగా రూపొందించాడు దర్శకుడు.
చిరంజీవి గారు అనుకున్నట్టు అలాంటిదేమి కాదు….
ఇక సినిమా ప్రచారాల్లో నాని పలు ఇంటర్వ్యూల్లో పాల్గొన్నారు వాటిలో సినిమా టికెట్ రేట్స్ గురించి, ఇంకా ఇతర విషయాల గురించి ఆసక్తికర కామెంట్స్ చేసారు. ఈ సినిమాలో భలే భలే మగాడివోయి సినిమాలో మతిమరుపు లాగా ఏదైనా డిఫెక్ట్ ఉన్న పాత్ర చేస్తున్నారా అని ప్రశ్న ఎదురుకాగా చిరంజీవి గారు కూడా అలానే అనుకున్నారు కానీ అలాంటిదేమి లేదు. ఈసినిమాలో ఏ లోపం ఉండదు అంటూ చెబుతూనే చిరు కి ఖైదీ సినిమా ఎలానో అలా నాకు ఈ సినిమా అంటూ చెప్పారు. ఖైదీ సినిమా మొదట కృష్ణ గారు చేయాల్సి ఉన్నా ఆ సినిమా ఆయన వద్దన్నాక చిరు దగ్గరికి వచ్చింది. ఆ సినిమా తరువాత చిరంజీవి గారి కెరీర్ మలుపు తిరిగింది. ఆ కథ ఆయన కోసమే పుట్టిందా అనిపిస్తుంది. అలా ఈ సినిమా కథ కూడా నాకోసమే పుట్టిందా అని అనిపిస్తుంది.
ఇక టికెట్ రేట్ల విషయంలో నేను థియేటర్స్ ను కిరాణా కోట్లతో పోల్చానని సోషల్ మీడియాలో బాగా ప్రచారం జరిగింది. కానీ అసలు జరిగింది వేరు. టికెట్ రేట్ల విషయంలో రెండు వైపులా సమస్య, న్యాయం జరిగేలా నిర్ణయాలు ఉండాలని అన్నాను కానీ నేను ఎవరిని కామెంట్స్ చేయలేదు. కానీ ఇప్పుడున్న సోషల్ మీడియాలో వల్ల మనము ఒకటి మాట్లాడితే వాళ్లు ఒకటి రాసేసి పోస్ట్ చేస్తున్నారు. జనాలు అవే నిజం అనుకుంటున్నారు అంటూ చెప్పారు.
