Naveen Chandra : తెలుగులో అందాల రాక్షసి సినిమాలో ఒన్ అఫ్ ది హీరోగా నటించిన నవీన్ చంద్ర ఆ సినిమాతో మంచి గుర్తింపు తెచ్చుకున్నాడు. కానీ సోలో హీరోగా సక్సెస్ అవ్వలేదు. ఆ తరువాత కొన్ని సినిమాలు తీసినా పెద్దగా జనానికి ఎక్కలేదు. నాగార్జున, నాని కలిసి నటించిన దేవదాస్ లోనూ ఇక ఎన్టీఆర్ త్రివిక్రమ్ కాంబినేషన్ లో వచ్చిన అరవింద సమేత వీర రాఘవ సినిమాతో మళ్ళీ నవీన్ కు మంచి బ్రేక్ వచ్చింది. అయితే ప్రస్తుతం నవీన్ చంద్ర విరాట పర్వం సినిమాలో ఒక కీలక పాత్రలో నటిస్తున్నాడు.
బాలయ్యను ముద్దు పెట్టుకోవాలని అనిపిస్తుంది….
రానా, సాయి పల్లవి జంటగా నటించిన విరాట పర్వం సినిమా దర్శకుడు వేణు ఉడుగుల దర్శకత్వంలో వస్తోంది. ఈ సినిమాలో నవీన్ చంద్ర ఒక కీలక పాత్రలో నటిస్తున్నాడు. ఇక ఈ సినిమా కరోనా వల్ల అనేక వాయిదాలు పడుతూ తాజాగా 17 తేదీన విడుదలకు సిద్ధమైంది. ఈ సినిమా ప్రమోషన్స్ లో నవీన్ పాల్గొన్నారు. ఇక సినిమా విశేషాలతో పాటు బాలయ్య గురించి ప్రస్తావన రాగా ఆయన గురించి ఆసక్తికరంగా స్పందించారు. బాలయ్య గురించి బయట అనుకునేది వేరు తాను దగ్గరి నుండి చూసింది వేరని ఆయన ఎనర్జీ లెవెల్స్ సూపర్ అంటూ, ఆయన డైలాగ్ డెలివరీ బాగా నచ్చుతుందని చెప్తూ, ఆయనతో వర్క్ చేయడం చాలా మంచి అనుభవం అంటూ అయనను ముద్దు పెట్టుకోవాలనేంత ప్రేమ కలిగిందని చెప్పారు.
ఆయన లాంటి హీరోని ఇండస్ట్రీ లో చూడలేదని చెప్పారు. ఇక నవీన చంద్ర బాలకృష్ణ గోపీచంద్ మలినేని దర్శకత్వంలోని సినిమాలో నటిస్తున్నారు. ఈ సినిమా గురించి చెబుతూ సినిమాలో బాలయ్యగారిని కొత్తగా చూస్తారంటు నందమూరి అభిమానులను ఊరిస్తున్నాడు.
