Nayanatara : దక్షిణాది సినిమా ఇండస్ట్రీలలో నయనతార గురించి ప్రత్యేకంగా చెప్పనక్కర్లేదు. ఒక గ్లామర్ హీరోయిన్ గా కెరీర్ మొదలుపెట్టి హీరో తో సమానమైన క్రేజ్ తో ఇప్పటికి కోట్లమంది అభిమానులను సంపాదించుకుని అప్ కమింగ్ హీరోయిన్లకు రోల్ మోడల్ గా నిలుస్తోంది. హీరోయిన్ అంటే మూడు పదుల వయసు రాగానే ఇక పెళ్లి చేసుకుని సినిమాల్లో సెకండ్ ఇన్నింగ్స్ మొదలెట్టినా తల్లి పాత్రలు, అక్క పాత్రలోతో సరిపెట్టుకుంటారు. కానీ నయనతార కెరీర్ అందుకు భిన్నంగా ఒక హీరోకి ఉన్న ఇమేజ్ కి సమానమైన ఇమేజ్ తో సినిమా ఇండస్ట్రీ ని ఏలుతోంది.
కోట్ల ఆస్తులు… కోట్లల్లో పారితోషకం….
నయనతార బెంగళూరులో జన్మించిన మళయాళి కుట్టి. తన సినిమా ప్రయాణం తమిళ సినిమాతో మొదలైంది. తెలుగులో వెంకటేష్ తో నటించిన లక్ష్మి సినిమాతో 2006 లో ప్రారంభించింది. ఇక ఆతరువాత టాప్ హీరోస్ అందరితోనూ నటించిన నయనతార ప్రేమ వ్యవహారాలతో వ్యక్తిగతంగా దెబ్బతినింది. రెండు సార్లు ప్రేమ విషయంలో దెబ్బతిన్న నయన్ ఇక ఆతరువాత తన కెరీర్ పై ఫుల్ ఫోకస్ పెట్టి జీరో సైజు తో కనువిందు చేసింది. మొదట్లో గ్లామర్ రోల్స్ చేసిన నయన్ ఆ తరువాత లేడీ ఓరియంటెడ్ సినిమాల వైపు మొగ్గింది. ఇక యాక్షన్ లేడీ ఓరియెంటెడ్ సినిమాలతో తన అభిమానుల సంఖ్యను పెంచుకుంది.
తమిళ లేడీ సూపర్ స్టార్ గా నిలిచింది. మూడు పదుల వయసులో ఉన్న నయనతార క్రేజ్ ఏ మాత్రం తగ్గలేదు తాను నటించిన సినిమాలు హిట్ అవ్వక పోయినా తన పాత్రకు మాత్రం పేరోచ్చిన సందర్భాలు ఉన్నాయి. ఇక నయన్ ఒక్కో సినిమాకు 5 కోట్ల వరకు పారితోషకం తీసుకుంటుంది. అలా ఏడాదికి 15 కోట్లవరకు ఆదాయం ఉంది. అంటే నెలకు కోటి రూపాయలు సంపాదిస్తోంది. ఇక నయన్ ఆస్తుల విలువ దాదాపు 100 కోట్లు. ఇపుడు పెళ్లి చేసుకున్న విగ్నేష్ కు చెన్నై లో తాను ఎంతో ఇష్టంగా కట్టించుకున్న ఇంటిని పెళ్లి బహుమతి గా ఇచ్చిందని సమాచారం దాన్ని విలువ సుమారు 20 కోట్లు ఉండొచ్చని అంచనా.
