మా ఎన్నికలను రాజకీయాలతో ముడిపెట్టడం సరికాదు.. పూనమ్ షాకింగ్ కామెంట్స్..

మూవీ ఆర్టిస్ట్ అసోసియేషన్ ఎన్నికలు గురించి గత కొద్దిరోజుల నుంచి ఇండస్ట్రీలో తారాస్థాయిలో వివాదాలు చోటు చేసుకున్నాయి. ఈ క్రమంలోనే ఒకరి ప్యానల్ గురించి మరొకరు తీవ్ర స్థాయిలో మాటల యుద్ధం ఒకరిపై మరొకరు విమర్శలు చేసుకుంటూ వచ్చారు. ఈ క్రమంలోనే అక్టోబర్ 10వ తేదీ మా ఎన్నికలు జరిగిన నేపథ్యంలో పలువురు సినీ సెలబ్రిటీలు ఎన్నికల కేంద్రానికి చేరుకొని తమ ఓటును వినియోగించుకున్నారు.

ఈ ఎన్నికలలో భాగంగా మెగాస్టార్, బాలకృష్ణ, పవన్ కళ్యాణ్ వంటి సీనియర్ హీరోలు కూడా హాజరై తమ ఓటు హక్కును వినియోగించుకున్నారు. ఇక రాత్రి ఎన్నికల ఓటింగ్ జరగగా మా అధ్యక్ష ఎన్నికలలో మంచు విష్ణు గెలుపొందడం మనకు తెలిసిందే. ఈ ఎన్నికల ఓటింగ్ సమయంలో పాల్గొన్న పూనమ్ కౌర్ ఓటింగ్ అనంతరం మీడియాతో మాట్లాడారు.

ఈ సందర్భంగా ఆమె మీడియాతో మాట్లాడుతూ పలు సంచలన వ్యాఖ్యలు చేశారు.ఇండస్ట్రీకి సంబంధించిన ఎవరైనా సరే వారి రాజకీయ లబ్ది కోసం మూవీ ఆర్టిస్ట్ సభ్యులను ఇబ్బందులకు గురి చేయడం మానుకోవాలి. మా ఎన్నికలను రాజకీయపరంగా చూడకూడదని ఈ సందర్భంగా ఆమె మీడియాతో ముచ్చటించారు.

ఇక ఎన్నికల ముందు వరకు పూనమ్ కౌర్ ప్రకాశ్ రాజ్ ప్యానల్ కు మద్దతు తెలుపుతూ ప్రకాష్ రాజ్ గెలిస్తేనే అసోసియేషన్ బాగుంటుందనీ, ఆయన గెలిచిన వెంటనే ఇండస్ట్రీలో ఉన్న సమస్యలను,తాను ఎదుర్కొంటున్న సమస్యలను బయటపెడతానని పూనమ్ చేసిన వ్యాఖ్యలు కూడా వైరల్ అయ్యాయి. తాజాగా ఎన్నికల అనంతరం ఈమెమా ఎన్నికలను రాజకీయాలతో ముడి పెట్టకండి అంటూ పలు ఆసక్తికరమైన వ్యాఖ్యలు చేశారు.