Potti Vijaya Durga : పొట్టి వీరయ్య కూతురుగా సినిమాల్లోకి వచ్చిన పొట్టి విజయ దుర్గ, డైరెక్టర్ తేజ గారి చాలా సినిమాల్లో నటించారు. అయితే సినిమాల్లో చేస్తూనే సీరియల్స్ లోనూ చేయడంతో సినిమాల్లో కొంత అవకాశాలు తగ్గాయని విజయ దుర్గ అభిప్రాయపడతారు. చాలా సినిమాల్లో నాటించిన విజయ దుర్గ మళ్ళీ నాని తాజా చిత్రం ‘దసరా’లో నటించింది. ఇక తాను నటించాలనుకుంటున్న హీరోలు, నాని తో వర్క్ ఎక్స్పీరియన్స్ వంటి విషయాలను రీసెంట్ ఇంటర్వ్యూలో పంచుకున్నారు.
నాని ని ఫోటో అడిగితే…
దసరా సినిమాలో నాలుగు రోజుల షెడ్యూల్ తో షూటింగ్ చేసానని పొట్టి విజయ దుర్గ తెలిపారు. అయితే సినిమాలో నాని ని కలిసి మాట్లాడే అవకాశం ఎక్కువగా దొరకలేదని చెప్పారు. అయితే షూటింగ్ సెట్స్ లో నాని ఉండేసరికి ఒక ఫోటో తీసుకోవాలని అడిగితే ఆయన ఎక్కడికి పోతావ్ మళ్ళీ మళ్ళీ మనం సినిమాల్లో చేస్తుంటాం కదా తీసుకుందాం ఫోటో అంటూ చెప్పారట.
అందులోనూ ఆ సినిమాలో నాని గెటప్ బయటికి లీక్ అవకూడదని సెట్స్ లో ఫోన్ వాడకుడాదనే నిబంధనలు ఉండేవి అంటూ తెలిపారు విజయ దుర్గ. ఇక తేజ గారి సినిమాల్లో వరుసగా నటించిన విజయ దుర్గ ఆయన చాలా బాగా మాట్లాడేవారని హీరోయిన్ అంటూ పిలిచేవారని తెలిపారు. ఇక పవన్ కళ్యాణ్, చిరంజీవి, మహేష్ బాబు, ప్రభాస్ ఇలా అందరితో నటించాలనేది కోరిక అంటూ తెలిపారు.
