Prakash Raj : ప్రకాష్ రాజ్.. ఈ పేరు తెలియని సినీ అభిమాని ఉండరు అంటే అతిశయోక్తి కాదు. అంతలా ఈయన తన విలక్షణ నటనతో ఆకట్టుకున్నాడు. రంగస్థల నటుడుగా తన ప్రస్థానాన్ని మొదలు పెట్టి ఆరు భాషలలో దాదాపుగా 200లకు పైగా సినిమాలలో నటించాడు. బాలచందర్ దర్శకత్వంలో వచ్చిన ‘డ్యూయెట్’ సినిమా ఆయనకు నటుడుగా గుర్తింపు తెచ్చింది. ఆరు భాషలలో దాదాపుగా అందరు స్టార్ హీరోలతో కలసి నటించి మెప్పించారు. నటుడుగానే కాకుండా దర్శకుడుగా, నిర్మాతగా కూడా చేశారు.
ఎవరు నువ్వు అన్నది ముఖ్యంకాదు… పని చేసి చూపించు…
తెలుగులోకి ‘హాయ్’ చిత్రం ద్వారా పరిచయం అయ్యారు ప్రకాష్ రాజ్. ఒకానొక సమయంలో స్టార్ హీరోల సినిమాలు అంటే ప్రకాష్ రాజ్ లేకుండా సినిమా ఉండేది కాదు. 2021 లో తెలుగు మూవీ అసోసియేషన్ కు సంబందించిన మా ఎన్నికలలో అధ్యక్ష పదవికి మంచు విష్ణుతో పోటీ పడ్డారు. అయితే తాజాగా ఒక ఇంటర్వ్యూలో పాల్గొన్న ఆయన మా ఎన్నికలలో పోటీచేయడం గురించి, ఎన్నిక గురించి ఆసక్తికర విషయాలు చెప్పుకొచ్చారు.
ఎన్నికలలో అసలు ఎందుకు పోటీ చేయాలి అని అనుకున్నారు అని ప్రశ్నించగా.. 2,3 సంవత్సరాల నుండి గమనిస్తున్నాను, ఎదో లోటు కనిపిస్తోంది. ఉన్న వారు సరిగా చేయట్లేదని కాదు కానీ నిర్ణయాలు మారాలి అని అనిపించింది. అపుడు అందరితోనూ మాట్లాడితే మీరు చెప్పేది కరెక్టే కానీ మీరు రారు కదా అన్నారు. అందుకు నేను వస్తే మీరు గెలిపిస్తారా అని అడిగితే తప్పకుండా అనడంతో పోటీ చేసాను. కానీ అందరూ నువ్వు ఎవరు, హిందూ ద్వేషి, నాన్ లోకల్, ఇలాంటి వాదనలతో పొలిటికల్ కలర్ వచ్చేసింది ఎన్నికలలో. నేను ఒకటే చెప్పాను నువ్వు ఎవ్వరు కాదు ముఖ్యం, నువ్వు ఏమ్ చేస్తావ్ అన్నది చూడాలి అని చెప్పుకొచ్చారు.
