Pranitha baby shower : ప్రణీత సుభాష్ అత్తారింటికి దారేదిలో బాపు గారి బొమ్మ పాటతో తెలుగులో మంచి గుర్తింపు తెచ్చుకున్న ఈ కన్నడ కస్తూరి తెలుగు తెరపై ఏమి పిల్లో ఏమి పిల్లడో సినిమాతో పరిచయమైనా, సిద్ధార్థ తో కలిసి బావ సినిమాలో నటించింది. తెలుగులోనే కాకుండా కన్నడ, తమిళంలో కూడా సినిమాలు చేసింది ప్రణీత. ఇక తెలుగులో అత్తారింటికి దారేది, రభస, బ్రహ్మోత్సవం వంటి సినిమాల్లో నటించినా అవకాశాలు మాత్రం రాలేదు. సోలో హీరోయిన్ గా తెలుగులో మంచి బ్రేక్ మాత్రం రాలేదు.
ప్రణిత సీమంతం…..
సినిమా అవకాశాలు తగ్గడంతో లాక్ డౌన్ లో అభిమానులకు షాకిస్తూ పెళ్లి చేసుకుంది ప్రణీత. బెంగళూరుకి చెందిన వ్యాపారవేత్తను పెళ్లాడింది. ఇక ఆ తరువాత సినిమాల్లో కనిపించక పోయినా సోషల్ మీడియాలో యాక్టీవ్ గా ఉంటూ తనకు సంబంధించిన విషయాలను అభిమానులతో పంచుకునేది. తన 34 వ పుట్టినరోజు సందర్బంగా తాను గర్భవతి అని చెప్పి అందరిని ఆశ్చర్యపరిచింది. తన భర్తను హగ్ చేసుకుని స్కానింగ్ రిపోర్ట్ ను చూపుతూ తీసుకున్న ఫోటోలను సోషల్ మీడియాలో షేర్ చేసింది.
ఇక తాజాగా ప్రణీతకు కుటుంబ సభ్యులు సీమంతం వేడుక నిర్వహించారు. ఈ ఫోటోలు సోషల్ మీడియాలో షేర్ చేసుకుని మురిసిపోతోంది ప్రణీత. ఇక ప్రణీత గర్భవతిగా ఎలాంటి జాగ్రత్తలు తీసుకోవాలి, ఎలా ఫిట్ నెస్ తో ఉండాలి అనేవి సోషల్ మీడియాలో అభిమానులతో షేర్ చేస్తూ ఉంటుంది.
