PV Sindhu : రీమిక్స్ పాటకు స్టెప్పులేసి అదరగొట్టిన పీవీ సింధు… మీకు సంతోషాన్నిచ్చేది చేయాలి అంటూ పోస్ట్…!

0
567

PV Sindhu : తెలుగమ్మాయి పూసర్ల వేంకట సింధు తెలియని భారతీయుడు ఉండడు. బాడ్మింటన్ లో ఇండియా పేరుని ప్రపంచంలో సగర్వంగా నిలబెట్టిన సింధు అందరికీ సుపరిచితమే. హైదరాబాద్ కు చెందిన పీవీ సింధు బాడ్మింటన్ లో అప్పటి వరకూ ఎవరూ సాధించని ఘనత సాధించింది. ఒలింపిక్స్ ఫైనల్స్ కు వెళ్లడమే రికార్డు అనుకుంటే వెళ్లి మొదటి సారి బ్రాంజ్ మెడల్ అందుకుంది. ఇక ఆతరువాత సిల్వర్ మెడల్ అందుకుంది. ఇక అనేక ఛాంపియన్ షిప్ లలో గోల్డ్ మెడల్ సాధించిన పీవీ సింధు అతిచిన్న వయసులో ఈ ఘనతలు సాధించి యువతకు ఆదర్శంగా నిలిచింది.

స్టెప్పులేసి అదరగొట్టిన సింధు వీడియో వైరల్…

పీవీ సింధు అటు బాడ్మింటన్ లోనే కాదు తనకు డాన్స్ చెయ్యటం చాలా ఇష్టం. అందుకే అప్పుడపుడు డాన్స్ చేస్తూ ఆ వీడియోలను సోషల్ మీడియాలో షేర్ చేస్తూ ఉంటుంది. ఈ మధ్యనే బాదాం బాదాం కచ్చా బాదాం అంటూ స్టెప్పులేసిన పీవీ సింధు ఇపుడు మరో రీమిక్స్ పాటకు డాన్స్ చేసి ఆశ్చర్య పరిచింది. అంతేకాక వీడియో కి కింద ‘మీకు ఏది సంతోషాన్నిస్తుందో అది చేయాలి’ అంటూ కాప్షన్ కూడా ఇచ్చింది. ట్రెండింగ్ లో ఉన్న రెండు రీమిక్స్ పాటలకు స్టెప్పులేసింది సింధు. బాడ్మింటన్ కోర్టులో పులిలా ఆడే సింధు నాజుకుగా డాన్సులు కూడా ఆదరగోడుతోంది.

ఇక నెటిజన్స్ డాన్స్ సూపర్ అంటూ ప్రశంసిస్తున్నారు. సోషల్ మీడియాలో బాగా యాక్టీవ్ గా ఉండే సింధు ఈ వీడియోని అభిమానులతో పంచుకోగానే లక్షల్లో వ్యూస్ మరియు లైక్స్ అందుకుంది. మరి సినిమా వాళ్లకు ఏమాత్రం ఫాలోయింగ్ లో తీసిపోవడంలేదు ఈ బాడ్మింటన్ స్టార్.