Raghu Kunche : సింగర్ గా వెయ్యి కి పైగా పాటలు పాడిన రఘుకుంచే, అంతకు ముందు పలు టీవీ ఛానెల్స్ లో యాంకర్ గా కూడా అలరించాడు. ఇక చాలా సినిమాల్లో పాటలు పాడిన రఘు, మ్యూజిక్ డైరెక్టర్ గా కూడా రాణించాడు. మనలో ఎంత టాలెంట్ ఉన్నా ఒక్కసారిగా అదృష్టం కూడా కలిసి రావాలి అన్నట్లుగా రఘు కెరీర్ లో పెద్ద హీరోల సినిమాలకు మ్యూజిక్ డైరెక్టర్ గా అవకాశాలు వచ్చినా ఆ తరువాత చేజారిపోయాయి. ఇక తన కెరీర్ లో పూరీ తో ఉన్న అనుబంధాన్ని రఘు గుర్తుచేసుకున్నారు.
పవన్ చుట్టూ భజన చేసే పూజార్లు ఉంటారు…
పూరీ జగన్నాథ్ సినిమాల్లో ఎక్కువగా పాటలు పాడిన రఘు స్వతహాగా పూరీ కి సన్నిహితంగా ఉండటంతో మ్యూజిక్ డైరెక్టర్ గా చేస్తానని రఘు అడిగితే ఓకే అన్నాడట పూరీ. అయితే గోపీచంద్ కాంబినేషన్ లో తీసిన గోలిమార్ సినిమాకు రఘు మ్యూజిక్ చేయాల్సి ఉన్నా, అప్పటికే పూరీ చక్రి కాంబినేషన్ హిట్ కానీ చక్రి కి ఆరోగ్యసమస్యల కారణంగా నన్ను గోలిమార్ కి చేయమని చెప్పాడు. కానీ చివర్లో చక్రి, తన భార్యతో కలిసి వచ్చి అడిగే సరికి నన్ను క్యాన్సిల్ చేసి చక్రి ని పెట్టుకోవాల్సి వచ్చిందని రఘు చెప్పాడు. ఇక ఆ సినిమా తరువాత దేవుడు చేసిన మనుషులు సినిమాకు మ్యూజిక్ డైరెక్టర్ గా అవకాశం వచ్చింది.
సినిమా హిట్ అవ్వకపోయినా పాటలు బాగా హిట్ అయి పలు అవార్డ్స్ కూడా వచ్చాయి. ఇక ఈ సినిమా తరువాత పవన్ కళ్యాణ్ సినిమాలో అవకాశం నీకే ఇస్తా అని పూరీ మాటిచ్చాడట. పెద్ద హీరో సినిమాకు చేస్తే కెరీర్ సెట్ అవుతుంది అని పవన్ కు కూడా చెప్పి ఓకే చేసాడట పూరీ. కానీ పవన్ చుట్టూ ఉండే భజన బ్యాచ్ వేరే మ్యూజిక్ డైరెక్టర్ ను రికమెండ్ చేయడం, అతన్ని ఒకే చేయడంతో అవకాశం చేజారిందని రఘు చెప్పాడు. ఇక నటుడుగా పలాస సినిమా తరువాత విలన్ అవకాశాలు చాలా వస్తున్నాయని, అలా నటుడుగా సక్సెస్ అయి పెద్ద సినిమాకు మ్యూజిక్ డైరెక్టర్ గా పని చేసే అవకాశం తెచ్చుకోవాలని అనుకుంటున్నట్లు రఘు చెప్పాడు.
