Rakesh Master Friend : సినిమా ఇండస్ట్రీలో డాన్స్ మాస్టర్ గా మొదలయి దాదాపు 1500 సినిమాలకు డాన్స్ కంపోజ్ చేసిన రాకేష్ మాస్టర్ అసలు పేరు రామారావు. ప్రస్తుతం టాప్ డాన్స్ మాస్టర్లు గా ఉన్న శేఖర్ మాస్టర్, జానీ మాస్టర్లు ఈయనకు శిష్యులు. చిరునవ్వుతో, లాహిరి లాహిరి లాహిరిలో, దేవదాసు, సీతయ్య వంటి సినిమాలకు కోరియోగ్రఫీ చేసిన రాకేష్ మాస్టర్ ఢీ షో ద్వారా మరింత క్రజీ తెచ్చుకున్నాడు. ప్రస్తుతం యూట్యూబ్ ఛానెల్ వీడియోల ద్వారా ఫేమస్ అయ్యాడు. ఇక జబర్దస్త్ లో అడపాదడపా కనిపించేవాడు. అయితే తాజాగా వైజాగ్ నుండి షూటింగ్ కోసం వెళ్లి హైదరాబాద్ తిరిగిగివచ్చిన రాకేష్ మాస్టర్ అనారోగ్యంతో గాంధీ హాస్పిటల్ లో చికిత్స తీసుకుంటూ ఆదివారం నాడు కన్నుమూశారు. ఇక ఆయనది సహజ మరణం కాదేమో అంటూ ఆయన స్నేహితుడు రాకీ భాయ్ అనుమానం వ్యక్తం చేస్తున్నారు.
నోటి మీద గాయం… సెల్ ఫోన్ మిస్సింగ్…
రాకేష్ మాస్టర్ వైజాగ్ వెళ్లి అక్కడి నుండి హైదరాబాద్ తిరిగి వచ్చాక ఆదివారం నాడు గాంధీ హాస్పిటల్ లో మరణించారు. అయితే ఆయన మరణం మీద అనుమానలు ఉన్నాయంటూ రాకేష్ మాస్టర్ స్నేహితుడు ఆరోపిస్తున్నారు. ఆయన నోరు పగిలి రక్తం రావడం హాస్పిటల్ లో చేర్పించేసరికి కడుపులో నొప్పి అంటూ విలవిలలాడారు అంటూ చెప్పారు. నిజానికి శనివారం రాత్రి వరకు బాగానే ఉన్నారు. రాత్రి ఆయనతో మరో సన్నిహిత వ్యక్తి రాత్రి పొద్దు పోయే వరకు ఉన్నారు. రాకేష్ మాస్టర్ ఉన్న రూమ్ ఏరియా చాలా నిర్మానుష్యంగా ఉంటుంది, ఆయన ఎవరినీ తన వద్ద ఉండనివ్వరు. అయితే ఆయన ఒక్కడే ఉన్న ఆ రాత్రి ఏదో జరిగింది.
పొద్దున్నే వెళ్లి చూసేసరికి నోరు పగిలి రక్తం వస్తోందట అలాగే కడుపు నొప్పికి బాగా బాధపడ్డారట. ఇక ఆయన ఫోన్ కూడా మిస్ అయింది. హాస్పిటల్ లో కూడా మొదట ఇది యాసిడ్ కేసు వార్డు వేరే ఉంటుంది అంటూ గాంధీ హాస్పిటల్ లో చెప్పారట. రూమ్ లోకూడా రెండు బూమ్ బూమ్ బీర్లు కనిపించాయి. ఆయన బీర్లు తాగరు. కేవలం మాన్షన్ హౌస్ తాగుతారు. ఎవరైనా అర్ధ రాత్రి వచ్చి కొట్టి వెళ్లిపోయారో లేక చంపాలనుకున్నారో తెలియడం లేదు అంటూ రాకేష్ మాస్టర్ స్నేహితుడు తెలిపారు. వైజాగ్ లో కూడా ఏదో గోడవ జరిగిందని రాకేష్ మాస్టర్ తెలిపారు. మరి ఆ తాలూకు వాళ్లే ఇలా హైదరాబాద్ వచ్చి కొట్టరేమో తెలియడం లేదు అంటూ అనుమానాలను వ్యక్తం చేసారు.
