Ram Gopal Varma : తెలుగు సినిమాకు కొత్త ట్రెండ్ ను తెచ్చిన ట్రెండ్ సెట్టర్ వర్మ. శివ సినిమాతో ఒక్కసారిగా టాలీవుడ్ సినిమా తీరును మార్చేశాడు. స్టడీ కెమెరాను వాడి సినిమా విజువల్స్ కి కొత్తదనం తీసుకొచ్చి అలానే సినిమా పంథాను మార్చి అందరినీ ఆకర్శించాడు వర్మ. వివాదాలతో బతికే వర్మ లో ఒక మంచి టెక్నీషియన్ ఉన్నాడు. ఇది ఎవరూ కాదనలేని సత్యం. తాను తీసిన పాత సినిమాలను చూస్తే ఎవరైనా ఆర్జీవి ఫ్యాన్ అవ్వాల్సిందే. అయితే ఇదంతా ఒకప్పుడు, ఇప్పుడు ఉన్న వర్మ వేరు. అయితే తాజాగా శివ సినిమా గురించి విశేషాలను వర్మ ఒక ఇంటర్వ్యూలో పంచుకున్నారు.
సినిమా చెండాలంగా ఉందని చెప్పారు…
శివ సినిమా టైములో బౌండెడ్ స్క్రిప్ట్ లేకుండానే మొదటి సారి సినిమా డైరెక్ట్ చేస్తున్నా పర్ఫెక్ట్ గా చేసి మంచి హిట్ అందుకోవడమే కాకుండా ఆ సినిమాతో తెలుగు సినిమా ట్రెండ్ మార్చేశాడు ఆర్జీవి. అలాంటి శివ సినిమా ఇంకా రీ రికార్డింగ్ అవ్వక ముందే నాగార్జున కు సన్నిహితుడైనా సురేంద్ర ఆయన స్నేహితులకు సినిమా చూపించగా సినిమా చెండాలంగా ఉంది కుదిరితే విడుదల చేయొద్దు అని చెప్పారట.
ఇద్దరు ముగ్గురు అలానే చెప్పడంతో ఆలోచనలో పడి వేరే సినిమాల్లోని ట్రాక్స్ వాడుకుందాం కనీసం సినిమాకు ప్లస్ అవుతుంది అనుకుంటే నాగార్జున గారు ఇది వర్మ సినిమా తనకు నచ్చినట్లు తీయనియ్యండి, రిజల్ట్ ఎలా ఉన్నా పర్వాలేదు అని చెప్పి ఫైనల్చే శారట. అలా ఇళయరాజా గారితోనే ముందు అనుకున్నట్లుగా రీ రికార్డింగ్ చేసి సినిమా విడుదల చేశారట. ఈ విషయాలను చెబుతూ ఒకవేళ ఇళయరాజాతో కాకుండా వేరే సినిమాల్లోని ట్రాక్స్ వాడుంటే సినిమా ఫలితం వేరేగా ఉండేదంటూ ఆర్జీవి చెప్పారు.
