Ram Pothineni : దేవదాస్ సినిమాతో ఎంట్రీ ఇచ్చిన రామ్ పోతినేని ఎనర్జెటిక్ పెర్ఫార్మన్స్ తో త్వరగా గుర్తింపు తెచ్చుకున్నాడు. రామ్ డైలాగులకు, డాన్స్ కు ఫ్యాన్స్ అయ్యారు చాలా మంది. తన ఎనర్జెటిక్ యాక్షన్, డాన్స్ లు సినిమాల హిట్ ప్లాప్ లతో సంబంధం లేకుండా జనాలకు నచ్చాయి. జగడం, రెడీ, మస్కా, ఎందుకంటే ప్రేమంట, మసాలా, నేను శైలజ, రెడ్ ఇస్మార్ట్ శంకర్ వంటి సినిమాలతో అలరించిన రామ్ ఇప్పుడు వారియర్ గా వస్తున్నాడు.
ఫ్లాప్స్ లో ఉన్నా పూరీ కి అందుకే అవకాశం ఇచ్చా…
ఇక వారియర్ సినిమలో తొలిసారిగా పోలీస్ పాత్రలో నటిస్తున్న రామ్ ఆ సినిమా విడుదల సందర్బంగా ప్రమోషన్స్ లో పాల్గొంటున్నారు. ఇక ఇంటర్వ్యూ లో ఇస్మార్ట్ శంకర్ సినిమా ప్రస్తావన రాగా పూరీ జగన్నాథ్ వరుస ప్లాప్స్ లో ఉన్న సమయంలో సినిమా అవకాశం ఇచ్చారు కదా అడుగగా హిట్, ప్లాప్ అని సంబంధం లేదు. ఆయన డైరెక్షన్ ఏంటో తెలుసు అందుకే సినిమా చేశాను. డౌన్ లో ఉన్నప్పుడే ఇంకా బాగా సినిమా చేయాలనే కసి పుడుతుంది అంటూ చెప్పారు.
ఆ సినిమాతో తెలంగాణ కుర్రాడిగా ఒదిగిపోయిన రామ్ ఆ పాత్ర కోసం ప్రత్యేకంగా ఏమి కష్టపడలేదు తప్పులు మాట్లాడిన కొత్త ఐడెంటిటీ ఉంటుంది నచ్చినట్టు తెలంగాణ యాసలో మాట్లాడాలి అని అనుకున్నట్లు చెప్పారు రామ్. అయితే సినిమా వల్ల తనకు మంచి గుర్తింపు వచ్చిందని ఉత్తరాదిన వాళ్ళు కూడా బాగా కనెక్ట్ అయ్యారని చెప్పారు. ఇక వారియర్ సినిమాలో పోలీస్ పాత్ర కోసం కొత్తగా హోమ్ వర్క్ చేయలేదని, పాత్ర ఇలా ఉంటుంది అనే విషయంలో డైరెక్టర్ ఎలా చెప్పారో దాన్ని బట్టి చేయడమే అంటూ చెప్పారు.
