Ramcharan: టాలీవుడ్ ఇండస్ట్రీలో మెగా వారసుడిగా ఎంతో పేరు ప్రఖ్యాతలు సంపాదించుకున్న రామ్ చరణ్ రాజమౌళి దర్శకత్వంలో వచ్చిన RRR సినిమా ద్వారా ఏకంగా పాన్ ఇండియా స్థాయిలో ఎంతో మంచి ఆదరణ సంపాదించుకున్నారు.ఇలా అంతర్జాతీయ స్థాయిలో ఎంతో పేరు ప్రఖ్యాతలు సంపాదించుకున్నటువంటి రామ్ చరణ్ ప్రస్తుతం ఆస్కార్ అవార్డు వేడుకలలో భాగంగా అమెరికాలో ఉన్నారు.

రామ్ చరణ్ ఎన్టీఆర్ నటించిన RRR సినిమాలోని నాటు నాటు పాట ఆస్కార్ అవార్డు నామినేషన్స్ లో నిలవడంతో పెద్ద ఎత్తున అమెరికాలో చిత్ర బృందం పర్యటిస్తూ ప్రమోషన్ కార్యక్రమాలను నిర్వహిస్తున్నారు. ఈ క్రమంలోనే రామ్ చరణ్ అమెరికాలోని మీడియా టాక్ ఈసీ పాడ్ కాస్ట్‌లో మాట్లాడుతూ పలు విషయాలను వెల్లడించారు.

గతంలో ఈయన హాలీవుడ్ సినిమాలలో నటించబోతున్నారని వార్తలు వచ్చిన సంగతి మనకు తెలిసిందే.ఈ క్రమంలోని తాజాగా ఈ మీడియా సమావేశంలో మరోసారి ఈయన హాలీవుడ్ ఎంట్రీ గురించి పలు విషయాలను తెలియజేశారు.ఇప్పటికే పలు స్టూడియోలతో సంప్రదింపులు జరుగుతున్నాయని మరో కొద్ది రోజులలో ఓ గుడ్ న్యూస్ రాబోతుంది అంటూ రాంచరణ్ వెల్లడించారు.

Ramcharan: హాలీవుడ్ ఎంట్రీ పక్కా

ఇలా కొద్ది రోజులలో గుడ్ న్యూస్ రాబోతుందనీ రామ్ చరణ్ చెప్పడంతో ఈయన హాలీవుడ్ ఎంట్రీ కన్ఫర్మ్ అయిందని అభిమానులు భావిస్తున్నారు. దీంతో తమ అభిమాన హీరో హాలీవుడ్ సినిమాలలో నటించే స్థాయికి ఎదగారని తెలిసి మెగా ఫ్యాన్స్ ఎంతో సంతోషం వ్యక్తం చేస్తున్నారు. అయితే త్వరలో దీనికి సంబంధించి అధికారిక ప్రకటన వెలువడనుంది.