Ramya Raghupathi : ఈ మధ్య కాలంలో ఏదైనా సెలబ్రిటీ జంట బాగా ఫేమస్ అయ్యారు అంటే అది నరేష్, పవిత్ర లోకేష్. వీళ్ళిద్దరూ ప్రేమలో ఉన్నారు, త్వరలో పెళ్లి చేసుకోబోతున్నారు అంటూ జోరుగా వినిపించింది. అందుకు తగ్గట్టే చెట్టా పట్టాలేసుకుని ఇద్దరూ తెగ తిరిగారు. ఇక వీళ్ళ పెళ్లిళ్ల సంఖ్య చూసి జనాలకు కూడా వీళ్ళ ఇష్యూ మీద బాగా ఇంట్రెస్ట్ పెరిగింది. అటు పవిత్ర లోకేష్ కు భర్త, ఇద్దరు పిల్లలు ఉన్నారు. ఇక ఇటు నరేష్ మూడు పెళ్లిళ్లు చేసుకుని ఇపుడు నాలుగో పెళ్ళికి సిద్ధమయ్యాడు. దీంతో నరేష్ మరింత ఫేమస్ అయ్యాడు. ఒక వైపు వీళ్ళు ప్రేమ పావురాల్లాగా తిరుగుతుంటే నరేష్ మూడో భార్య రమ్య రఘుపతి మీడియా ముందుకు వచ్చి నానా రచ్చ చేసింది. ఇంకా నాతో విడాకులు తీసుకోకుండానే వీళ్ళు ఎలా కలిసి ఉంటారు అంటూ వీళ్ళను రచకీడ్చింది. కొంత కాలంగా ఈ ఇష్యూ సైలెంట్ గా ఉంది అనుకునేలోపే నరేష్ పవిత్ర లోకేష్ లిప్ లాక్ సీన్ తో వీడియో చేసి మరీ పెళ్లి అంటూ చెప్పారు. ఇక సీన్ లోకి మళ్ళీ నరేష్ మూడో భార్య ఎంటర్ అయింది. ఒక వైపు మాత్రమే అందరికీ తెలుసు, నిజానిజాలు చెప్పాల్సిన బాధ్యత ఉంది అంటూ యూట్యూబ్ ఛానెల్ కి ఇంటర్వ్యూ ఇస్తు షాకింగ్ విషయాలను తెలిపారు.
తన నాన్న గురించి నా కొడుకు అలా అడుగుతుంటే ఏం చెప్పాలి…
రమ్య రఘుపతి ఇటీవల వస్తున్న విషయాల గురించి మాట్లాడుతూ నాకు నా భర్తకు మధ్య విడాకులు అయ్యాయి, నాకు డబ్బులు సెటిల్ చేశాడంటూ మీడియాలో కథనాలు రావడం వల్ల నేను మీడియా ముందుకు వచ్చి ఈ విషయలో క్లారిటీ ఇవ్వాలని అనుకుంటున్నాను అంటూ తెలిపారు. ఇక ఆమె నరేష్ ప్రవర్తన, అతను చెప్పిన ఆపద్ధాలు వంటి వాటి గురించి మాట్లాడుతూ తన కొడుకు రన్వీర్ ముందు చెత్త వీడియోలు చూడటం లాంటివి చేసేవాడు.
అది చూసి నా కొడుకు నన్ను వచ్చి నాన్న డర్టీ వీడియోలు చూస్తున్నాడు అని చెప్పినపుడు అంటే ఏం వీడియోలు అని అడిగాను, అయితే రన్వీర్ ఆ వీడియోలో వాళ్లకు బట్టలు కూడా లేవమ్మా అలాంటి లేడీస్ వీడియోలు చూస్తున్నాడు అని చెప్పగానే నా కొడుకుకి నేను ఏం సమాధానం చెప్పాలి. ఇఫుడు పవిత్ర లోకేష్ తో ఉన్న వీడియో ఇలాంటివి టీవీలో వస్తుంటాయి అవి చూసి నా కొడుకు అడిగితే నేను ఏం సమాధానం చెప్పాలి. తన స్నేహితులు తన తండ్రి చేస్తున్న వాటి గురించి తనని అడుగుతున్నారు దాని వల్ల వాడి మీద ఎలాంటి ప్రభావం పడుతుంది అంటూ ఎమోషనల్ అయ్యారు రమ్య రఘుపతి.
