RGV : ఆర్జీవి ఏ టాపిక్ మాట్లాడినా బోల్డ్ గా తన ఒపీనియన్ చెప్పి అందరినీ ఆశ్చర్యానికి గురి చేస్తుంటాడు. ఇక తన సినిమాలతో కూడా వివాదాలను సృష్టిస్తుంటాడు. ఇక తాజాగా ఆర్జీవి పలు ఇంటర్వ్యూల్లో పాల్గొంటు అనేక విషయాల గురించి స్పందిస్తున్నారు. ఇక మీడియాకు కూడా ఆర్జీవితో ఇంటర్వ్యూ అంటే మహా సరదా. తాజాగా ఆర్జీవి డైరెక్టర్ చేసిన సినిమా కొండా విడుదలైంది. ఈ సినిమా ప్రమోషన్స్ లో భాగంగా పలు ఆసక్తికర విషయాలు పంచుకున్నారు.
ఎన్టీఆర్ ను అంతవరకు హీరోగా చూడలేదు…
తనకు సినిమాలపై ఉన్న దృక్పథం గురించి మాట్లాడుతూ ఆర్జీవి ఆసక్తికర వాఖ్యలు చేసారు. తన చిన్నతనంనుండి సీనియర్ ఎన్టీఆర్ సినిమాలు చూసినా కూడా ఎక్కడా తనకు ఎన్టీఆర్ హీరోలాగా కనిపించలేదట. మొదటిసారిగా అడవి రాముడు సినిమాలో ఎన్టీఆర్ హీరోలా కనిపించాడని, అంతకుముందు ఎన్నో సినిమాలు, రక్త సంబంధం లాంటి సినిమాల్లో హీరోలా కనిపించలేదంటూ మాట్లాడారు.
ఇక బాలీవుడ్ లో అమితాబ్ బచ్చన్ కూడా అలానే చాలా సినిమాల తరువాత హీరోగా అనిపించాడని, డెబ్భైలలో అమితాబ్ నటించిన సినిమాలతో ఆయనను హీరోగా చూడటం మొదలు పెట్టానని చెప్పారు. ఇక కొండా సినిమా హీరో అదిత్ తో ఇంటర్వ్యూ లో మాట్లాడిన ఆర్జీవి, ఇక హిందీలో నానా పటేకర్ నటన గురించి మాట్లాడారు. నానా పటేకర్ అబ్ థక్ చప్పన్ సినిమాలో ఆయన నటన అదిత్ కు చాలా ఇష్టమట, ఇక ఆ సినిమాకు నిర్మాత ఆర్జీవి కావడం విశేషం.
