Roja adopted Daughter Pushpa : మట్టిలో మాణిక్యం ఈ అమ్మాయి పుష్ప. చిన్నత్తనంలోనే తండ్రిని, పదవ తరగతి సమయానికి తల్లిని కోల్పోయి ఎవరూ లేని ఒంటరి అయినా ఎంచుకున్న లక్ష్యం వైపు సాగింది. మన లక్ష్యం గొప్పదయినపుడు దారులు కూడా అవే తెరుచుకుంటాయి. మనకు చేయూత నిచ్చే చేతులు తోడొస్తాయి. అలానే పుష్ప వైద్యురాలు కావాలనే గట్టి సంకల్పానికి ఆదుకునే చేతులు అండగా నిలబడ్డాయి. ఆమె లక్ష్యాన్ని చేరుకోడానికి తమ వంతు సహాయం అందించాయి. నగరి ఎమ్మెల్యే అలాగే ఏపీ మంత్రి రోజా ఏపీ సీఎం జగన్ పుట్టినరోజునాడు ఒక అమ్మాయిని దత్తత తీసుకున్నారు. ఆ అమ్మాయి చదువు బాధ్యత నాదే అంటూ హామీ ఇచ్చారు. ఆ అమ్మాయి నేడు డాక్టర్ గా విద్యని అభ్యసిస్తోంది.
అమ్మ, నాన్న వైద్యం లేక మరణించడంతో వైద్యరాలు కావాలని అనుకున్నా…
చిన్నపటి నుండి పేదరికంలో ఉన్న పుష్ప ను తల్లి చదివించింది. పదో తరగతి లో తల్లి కూడా మరణించడంతో స్కూల్ ప్రిన్సిపాల్ చొరవ చూపి ప్రభుత్వ హాస్టల్, కాలేజీ లో చేర్పించారు. ఇక చదువులో ముందున్న పుష్ప ను ఎమ్మెల్యే రోజా వద్దకు తీసుకెళ్లగా జగన్ పుట్టినరోజు కానుకగా పుష్ప ను దత్తత తీసుకుని ఆమె చదువు బాధ్యత తీసుకున్నారు. ఇక అలా నీట్ కోచింగ్ లాంగ్ టర్మ్ ఇప్పించి మెడిసిన్ సీట్ కొట్టేందుకు తమ వంతు సహాయం చేసారు.
ఇప్పుడు పద్మావతి మహిళా కళాశాలలో వైద్య వృత్తిని అభ్యశిస్తున్న పుష్ప పేదలకు వైద్య చేయడం లక్ష్యం అంటూ చెబుతోంది. ఒక ఆసుపత్రి కట్టి వైద్యసేవలు పొందలేక ఇబ్బందిపడుతున్న వారికి సహాయం చేస్తానని అలాగే తనలా తల్లిదండ్రులను కోల్పోయిన పిల్లలను చదివిస్తానంటూ చెబుతోంది. ఇక తనను దత్తత తీసుకుని తమ కుటుంబంలో ఒకరిగా చూసుకుంటున్న ఎమ్మెల్యే రోజా కు కృతజ్ఞతలు తెలిపింది.
