‘అన్ స్టాపబుల్’ షోలో ‘ఆర్ఆర్ఆర్’ సందడి.. ఎనర్జిటిక్ గా కనిపిస్తున్న బాలయ్య..!

‘అన్ స్టాపబుల్ విత్ ఎన్బీకే’ ఆహా ఓటీటీలో దుమ్మరేపుతున్న షో. నందమూరి నటసింహం బాలకృష్ణ హోస్ట్ గా భారీ ప్రచారం మధ్య ప్రారంభమైన ఈ షో సూపర్ గా సక్సెస్ అయింది. బాలయ్య ఎనర్జీ లెవల్స్ తో షో భారీ హిట్ అయింది. మరో వైపు ఇటీవల రీలీజ్ అయిన అఖండ మూవీ సూపర్ సక్సెస్ కావడంతో బాలయ్య జోష్ మరింత కనిపిస్తోంది. షోలో వచ్చిన గెస్ట్ లతో అటాడుకుంటున్నారు బాలకృష్ణ. షో మొదటి ఎపిసోడ్ లోనే కలెక్షన్ కింగ్ మోహన్ బాబు గెస్ట్ గా రావడం.. బాలయ్య, మోహన్ బాబుల మధ్య సంభాషణలు రసవత్తరంగా సాగడంతో.. ఎక్కువ మందికి అన్ స్టాపబుల్ రీచ్ అయింది.

మోహన్ బాబుతో బాలకృష్ణ చేసిన మొదటి షోను అభిమానులు పెద్ద ఎత్తున వీక్షించారు. రెండో ఎపిసోడ్ లో నానితో, మూడో ఎపిసోడ్ లో బ్రహ్మనందంతో బాలయ్య బాబు ఫన్ పంచారు. నాలుగో ఎపిసోడ్ కు అఖండ టీమ్ తో రచ్చ చేశారు బాలకృష్ణ. ఈ షోకు హీరోయిన్ ప్రగ్యా జైశ్వాల్, దర్శకుడు బోయపాటి , యాక్టర్ శ్రీకాంత్ తో సందడి చేశారు. 

ఇక తాజాగా ఐదో ఎపిసోడ్ కోసం ట్రిపుల్ ఆర్ టీంను అన్ స్టాపబుల్ ప్రోగ్రాం కోసం పిలుస్తున్నారు. ఐదో ఎపిసోడ్ లో దర్శక ధీరుడ రాజమౌళి, సంగీత దర్శకుడు కీరవాణి అతిధులుగా వస్తున్నారు. ఈ సందడిని తెలియజేస్తూ… పోస్టర్లను కూడా విడుదల చేసింది ఆహా. ఈ పోస్టర్లలో బాలయ్య బాబు చాలా ఎనర్జిటిక్ గా కనిపిస్తున్నారు. మరోవైపు జనవరి 7న ఆర్ఆర్ఆర్ సినిమాను విడుదల చేసేందుకు చిత్ర యూనిట్ సిద్ధమైంది.

పాన్ ఇండియా లెవల్ లో రూపొందుతున్న ఈ సినిమా ప్రమోషన్ల కోసం రామ్ చరణ్, ఎన్టీఆర్, అలిమా భట్, అజయ్ దేవ్ గన్, దర్శకుడు రాజమౌళి చాలా కష్టపడుతున్నారు. ఇప్పటికే చెన్నై, బెంగళూర్, హైదరాబాద్ లో ప్రమోషన్లు చేశారు. ఈ ప్రమోషన్లలో భాగంగానే అన్ స్టాపబుల్ షోలో ట్రిపుల్ ఆర్  డైరెక్టర్ రాజమౌళి పాల్గొననున్నట్లు తెలుస్తోంది. సినిమా విజయానికి అన్ స్టాపబుల్ కూడా తోడవుతుందని చిత్ర యూనిట్ భావిస్తోంది. ఇప్పటి వరకు ముగిసిన నాలుగు ఎపిసోడ్లలో బాలయ్య రచ్చ చూసే ఉన్నాం.. ఇక ఐదో ఎపిసోడ్ లో బాలయ్య రచ్చ ఏవిధంగా ఉంటుందో చూడాలి.