దర్శకధీరుడు రాజమౌళి దర్శకత్వంలో యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ లు ప్రధాన పాత్రల్లో ఎంతో ప్రతిష్టాత్మకంగా తెరకెక్కిస్తున్న చిత్రం ఆర్. ఆర్. ఆర్. భారీ బడ్జెట్ తో రూపొందుతున్న ఈ చిత్రంలో తెలంగాణ పోరాట వీరుడు కొమరంభీం, బ్రిటీషు వారిని గడగడలాడించిన విప్లవ వీరుడు అల్లూరి సీతారామరాజులకు సంబందించిన కల్పితగాథ. ఇద్దరు టాలీవుడ్ టాప్ స్టార్స్ చేసున్న ఈ ముల్టీస్టారర్ మూవీపై భారీ అంచనాలు ఉన్నాయి. ఆలియాభట్, అజయ్ దేవగన్ సహా హాలీవుడ్ నటి ఒలీవియా మోరిస్ తదితరులు ప్రధాన పాత్రలలో నటిస్తున్నారు.
ఈ సినిమాకు కూడా లీకేజ్ బాధలు తప్పడం లేదు. ఇటీవలే సినిమాకి సంబంధించి లొకేషన్స్, ఎన్టీఆర్ లుక్ లీక్ అవడం జరిగింది. దీనితో ఆర్ ఆర్ ఆర్ టీమ్ లొకేషన్లో భారీ జాగ్రత్తలు తీసుకుంటుంది. అయినా కూడా ఈ లీకులను నివారించలేకపోతున్నారు. తాజాగా ఎన్టీఆర్ కు సంబందించిన ఒక ఫైట్ సీన్ లీక్ అయింది. ఈ ఫైట్ కొమరంభీం, పులి మధ్య జరిగే హోరా హోరి యాక్షన్ సీన్. సినిమాలో ఈ సీన్ చాలా కీలకమైన ఘట్టమట. అయితే ఈ విషయం తెలుసుకున్న చిత్ర యునిట్ వెంటనే అప్రమత్తమై కాపీరైట్ ఇష్యూ కింద ఈ వీడియోని ఇంటర్నెట్ నుంచి తొలగించారు. ఈ లీకులుల బేరదనుంచి రాజమౌళి అండ్ టీం తప్పించుకోడానికి ఎం మాస్టర్ ప్లాన్ వేస్తారో చూడాలి.
