S.S. Rajamouli : ఓటమెరుగని దర్శకుడిగా మన జక్కన పేరు ఆల్ ఇండియా లెవెల్లో పాపులర్ అన్న సంగతి తెలిసిందే. ఇక తెలుగు సినిమాకు 1000 కోట్ల మార్కెట్ రుచి చూపించి ప్రపంచ పటంలో తెలుగు సినిమాను పెట్టిన ఘనత మన రాజమౌళికే దక్కుతుంది. సీరియల్ తీసే రేంజ్ నుండి సిల్వర్ స్క్రీన్ ను దున్నెసే రేంజ్ కి వెళ్లిన జక్కన్న ఇప్పుడు మరో ఘనత తన ఖాతాలో వేసుకున్నాడు. ప్రపంచం మొత్తం తన సినిమాల గురించి మాట్లాడుకునేలా చేసిన దర్శకధీరుడు ఇప్పుడు ఆల్ ఇండియాలో సౌత్ నుండి ఒకేఒక్కడిగా నిలిచి రికార్డు సృష్టించాడు.
టాప్ 10 లో చోటు దక్కించుకున్న జక్కన్న…
ఒక సినిమా సక్సెస్ అవ్వాలంటే డైరెక్టర్ శ్రమ అధికం. అందుకే వారికి పారితోషకం కూడా ఎక్కువగానే ఉంటుంది. అలా ఇండియాలో టాప్ రిచ్ డైరెక్టర్ల గురించి ‘జీ క్యూ’ అనే సంస్థ సర్వే చేయగా అందులో మన జక్కన్న చోటు సంపాదించాడు. బాలీవుడ్ డైరెక్టర్స్ లో తాను సౌత్ నుండి నిలబడ్డాడు. ఇక లిస్ట్ గురించి చూస్తే మొదటి స్థానంలో బాలీవుడ్ బడా నిర్మాత, డైరెక్టర్ అయిన కరణ్ జోహార్ 1640 కోట్లను కలిగి అత్యంత ధనవంతుల జాబితాలో చోటు దక్కిచ్చుకున్నాడు.
ఇక రెండో స్థానంలో 1105 కోట్లతో రాజ్ కుమార్ హిరాని ఉండగా, మూడో స్థానంలో 940 కోట్లతో సంజయ్ లీలా భన్సాలి నిలబడ్డాడు. ఇక నాలుగోస్థానంలో 720 కోట్లతో అనురాగ్ కష్యప్, అలానే 300 కోట్లతో ఐదో స్థానంలో కబీర్ ఖాన్ ఉండగా ఆరో స్థానంలో 250 కోట్లతో రోహిత్ శెట్టి స్థానం సంపాదించాడు. ఇక ఏడవ స్థానంలో మన జక్కన్న 158 కోట్లతో రిచ్ డైరెక్టర్ గా స్థానం సంపాదించాడు. ఇక ఎనిమిదవ స్థానంలో 76 కోట్ల ఆస్తులతో జోయా అక్తర్ నిలిచారు.
