Sada Nannu Nadipe: సదా నన్ను నడిపే మూవీ రివ్యూ.. ఎమోషన్స్ తో ఆకట్టుకున్న ప్రేమకథ?

Sada Nannu Nadipe: హీరో ప్రతీక్ ప్రేమ్ కరణ్, వైష్ణవి పట్వర్ధన్ జంటగా నటించిన తాజా చిత్రం సదా నన్ను నడిపే. ఈ సినిమాకు హీరో ప్రతీక్ ప్రేమే దర్శకత్వం వహించిన విషయం తెలిసిందే. వీరితో పాటుగా ఈ సినిమా లో రాజీవ్ కనకాల,నాజర్, నాగేంద్రబాబు, అలీ, రంగస్థలం మహేష్ పలువురు కీలక పాత్రల్లో నటించారు. స్వచ్ఛమైన ప్రేమ కథతో తెరకెక్కిన ఈ సినిమా తాజాగా జూన్ 24న ప్రేక్షకుల ముందుకు వచ్చింది. ఈ సినిమాకు దర్శకత్వం,స్క్రీన్ ప్లే, సంగీతాన్ని హీరో ప్రతీక్ అందించారు.

కథ: ఇందులో మైఖేల్ జాక్సన్ (ప్రతీక్ ప్రేమ్ కరణ్) సాహాని (వైష్ణవి పట్వర్దన్) ప్రేమిస్తూ ఉంటాడు. అయితే ఆమె ఎంత కాదన్నా కూడా ఆమెనే ఎంతో సిన్సియర్ గా ప్రేమిస్తూ ఉంటాడు. సాహా తండ్రి రాజీవ్ కనకాల కూడా మైఖేల్ జాక్సన్ ప్రేమని అంగీకరించడు. దీనితో మైఖేల్ జాక్సన్ ఎలాగైనా సాహా ప్రేమని పొందాలని పరితపిస్తూ,మొత్తానికి మైఖేల్ జాక్సన్ సాహాని వివాహం చేసుకుంటాడు. కానీ సాహా మాత్రం పెళ్ళైన మొదటి రోజు నుంచే మైఖేల్ జాక్సన్ ని దూరం పెడుతుంది. పెళ్లి తర్వాత కూడా సాహా మైఖేల్ జాక్సన్ ను ఎందుకు దూరంగా పడుతుంది. దూరం పెట్టడానికి గల కారణం ఏమిటి? మరి మైఖేల్ జాక్సన్ చివరికి ఆమెకు దగ్గర అవుతాడా లేదా అన్న అంశాలతో ఈ సినిమాను చక్కగా తెరకెక్కించారు.

కథా కథనం విశ్లేషణ :ఈ సినిమా కంటే ముందు వచ్చిన కలిసుందాం రా, గీతాంజలి లాంటి సినిమాల మాదిరిగా ఈ సినిమాను తెరకెక్కించారు. ఈ సినిమాను హీరో కమ్ డైరెక్టర్ ఎంతో అద్భుతంగా ఎమోషనల్ గా, స్వచ్ఛమైన ప్రేమకథతో ఎంటర్టైనింగ్ గా సిల్వర్ స్క్రీన్ పై ఆవిష్కరించడం జరిగింది. అయితే మనకు బాగా కావాల్సిన వ్యక్తి చనిపోతున్నారు అని తెలిసిన తరువాత వారితో గడిపిన ఆ చివరి క్షణాలను ఎంత మధుర జ్ఞాపకంగా గుర్తుపెట్టుకుంటాం అన్నది ఇందులో బాగా చూపించారు. ప్రేమించిన వ్యక్తి కోసం ఎంతకైనా తెగించే వచ్చు అన్న అంశాన్ని ఇందులో ఎమోషనల్గా తెరకెక్కించడంతో దానికి ప్రతి ఒక్కరు కూడా కనెక్ట్ అయ్యారు.

నటీనటుల పనితీరు :ఇందులో హీరో కమ్ డైరెక్టర్ ప్రదీప్ ప్రేమ్ కరణ్ అద్భుతంగా నటించడంతో పాటుగా దర్శకత్వ బాధ్యతలను కూడా సమర్థవంతంగా నిర్వహించారు. అదే విధంగా హీరోయిన్ కూడా తన పాత్రకు బాగా న్యాయం చేసింది. అలాగే ఇందులో కమెడియన్ ఆలీ ఉన్నంతవరకు బాగానే నవ్వులు పూజించాడు.

సాంకేతిక నిపుణుల పనితీరు :ఈ సినిమాలో సంగీతం బాగుంది. అలాగే నందు కంపోజ్ చేసిన ఫైట్స్ కూడా చాలా బాగుంది. అదే విధంగా కొన్ని సన్నివేశాల్లో బ్యాక్ గ్రౌండ్ లొకేషన్స్ కూడా అద్భుతంగా ఉన్నాయి. సినిమాటోగ్రఫీ కూడా బాగా రిచ్ గా ఉంటుంది.

చిత్రం: సదా నన్ను నడిపే (UA)

రిలీజ్ డేట్: 2022-06-24

బ్యానర్: ఆర్ పి మూవీ మేకర్స్

నటీనటులు: ప్రతీక్ ప్రేమ్ కరణ్ , వైష్ణవి పట్వర్ధన్, నాజర్, అలీ, రాజీవ్ కనకాల, రంగస్థలం మహేష్, జీవ తదితరులు

డీవోపీ: ఎస్ డి జాన్

ఎడిటర్: ఎస్ ఆర్ శేఖర్

మ్యూజిక్ డైరెక్టర్: ప్రతీక్ ప్రేమ్ కరణ్ , ప్రభు ప్రవీణ్

నిర్మాతలు: ఆర్ పి మూవీ మేకర్స్

కథ, స్క్రీన్ ప్లే, దర్శకత్వం: ప్రతీక్ ప్రేమ్ కరణ్

రేటింగ్: 2.75/5