Sai Kiran : ‘నువ్వే కావాలి’ సినిమాలో ‘అనగనగా ఆకాశం ఉంది అకాశంలో మేఘం ఉంది’ పాటతో ఒక్కసారిగా మంచి స్టార్ డమ్ తెచ్చుకున్న హీరో సాయి కిరణ్. తండ్రి రామకృష్ణ గారు మంచి సింగర్ అలాగే చిన్న నాయనమ్మ అలనాటి సింగర్ సుశీలమ్మ. ఇంతటి బ్యాక్ గ్రౌండ్ ఉన్న సాయి కిరణ్ మొదట ఈటీవీలో ‘శివలీలలు’ సీరియల్ లో నటించారు. ఆ సీరియల్ తో పనిచేసిన ఉదయ్ భాస్కర్ గారి సినిమా నువ్వే కావాలి లో ఆఫర్ వచ్చింది సాయి కిరణ్ గారికి, నువ్వే కావాలి సినిమా అవకాశం రావడంతో ఆ సినిమాలో సాఫ్ట్ బాయ్ క్యారెక్టర్ లో నటించారు. ఇక వెంటనే ‘ప్రేమించు’ సినిమాకు పెద్ద బ్యానర్ సురేష్ ప్రొడక్షన్స్ నుండి ఆఫర్ తో ఆ సినిమాలో నటించి మంచి హిట్ అందుకున్నారు. అయితే ఆ తరువాత సరైన సినిమాలను ఎంచుకోక పోవడంవల్ల హీరోగా రానించలేక పోయిన సాయి కిరణ్ బుల్లి తెర వైపు అడుగులేశారు.
ఉదయ్ కిరణ్ మరణం నన్ను బాగా ప్రభావితం చేసింది…
ఒకవైపు అన్ని భాషలలోనూ సీరియల్స్ చేస్తూ మంచి పేరు తెచ్చుకున్న సాయి కిరణ్ అటు సినిమాల్లోను మంచి పాత్రలు వచ్చినపుడు చేస్తున్నారు. ఇక ఉదయ్ కిరణ్ తనకు మంచి స్నేహితుడంటూ చెప్పారు సాయి కిరణ్. సినిమా వజ్రోత్సవాల సమయంలో మా మధ్య ఫ్రెండ్ షిప్ మొదలయిందని, ఇక క్రికెట్ మ్యాచ్లు ఆడటం వల్ల మరింత స్నేహం పెరిగిందని తన మరణం చాలా బాధించిందని చెప్పారు సాయి కిరణ్.
తన బాధను, ఇతరుతో ఉదయ్ కిరణ్ పంచుకోడని ఎప్పుడూ ఊరికే మాట్లాడి నవ్వుతాడు కానీ తన కోపం కానీ బాధ కానీ ఏదీ చెప్పడు, అలానే చనిపోవాలనుకున్నపుడు తన బాధ ఎవరికీ చెప్పలేదు. ఇప్పుడు భార్య కానీ ఇతర కుటుంబం సభ్యుల గురించి విషయాలు ఏమి తెలియవని సాయి కిరణ్ చెప్పారు. ఒకవేళ ఇప్పుడు ఉండుంటే మాత్రం తమిళ ఇండస్ట్రీ వైపు వెళ్లినా మంచి అవకాశాలు తనకు వచ్చేవి అంటూ సాయి కిరణ్ బాధపడ్డారు.
