Samantha: ఆరు నెలలు ఆ సమస్యతో ఇబ్బంది పడ్డాను… శాకుంతలం షూటింగ్లో సమంత ఇంత ఇబ్బంది పడిందా?

Samantha: సమంత ప్రస్తుతం శాకుంతలం సినిమా ప్రమోషన్ కార్యక్రమాలలో ఎంతో బిజీగా ఉన్నారు. ఈ సినిమా ఏప్రిల్ 14వ తేదీ విడుదల కానున్న నేపథ్యంలో పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు. ఈ సినిమా ప్రమోషన్ కార్యక్రమాలలో భాగంగా సమంత పలు ఇంటర్వ్యూలకు హాజరవుతూ పెద్ద ఎత్తున సినిమా గురించి ఆసక్తికరమైన విషయాలను తెలియచేస్తున్నారు. తాజాగా ఈమె సోషల్ మీడియా వేదికగా ఒక వీడియోని షేర్ చేశారు.

ఈ వీడియోలో భాగంగా సమంత ఈ సినిమా షూటింగ్ సమయంలో పడిన ఇబ్బందులను గురించి తెలియజేశారు. ఈ సందర్భంగా సమంత మాట్లాడుతూ శకుంతల పాత్రలో నటించడానికి తాను చాలా ఇబ్బంది పడ్డానని తెలిపారు.ముఖ్యంగా తనకు పువ్వులు అంటే చాలా అలర్జీ అని తెలిపారు. కానీ శకుంతల పాత్రలో నటించడం కోసం తాను చేతికి మెడ చుట్టూ కూడా పువ్వులు పెట్టుకోవాల్సి వచ్చింది.

ఇలా పువ్వులు చుట్టుకోవడంతో అలర్జీ కారణంగా తన శరీరం మొత్తం దద్దుర్లు వచ్చాయని అలాగే ఆ పువ్వుల గుర్తులు తన శరీరంపై టాటూలుగా పడి దాదాపు 6 నెలల వరకు తనకు ఇబ్బంది పెట్టాయని సమంత తెలిపారు. షూటింగ్ సమయంలో ఆ గుర్తులు కనిపించకుండా మేకప్ తో కవర్ చేసామని సమంత తెలియజేశారు. ఇక ఈ సినిమా షూటింగ్ సమయంలో ఓ కుందేలు కూడా తనని కరిచిందని సమంత తెలియజేశారు.

Samantha: 30 కేజీల లెహంగా ధరించాను…

ఇక ఈ సినిమాలో ఒక పాట కోసం తాను ధరించిన లెహంగా ఏకంగా 30 కేజీలు ఉందని ఆ బరువు మోయడానికి ఇబ్బంది పడ్డానని సమంత తెలిపారు. అయితే ఈ లెహంగా ధరించి చుట్టూ తిరుగుతున్న సమయంలో తాను ప్రేమ్ నుంచి బయటకు వెళ్ళగా కెమెరామెన్ తనపై అరిచారని ఆ సమయంలో నేను వెళ్లలేదు… లెహంగా నన్ను పక్కకు లాక్కెళ్ళిందని చెప్పడంతో అందరూ నవ్వుకున్నారని ఈ సందర్భంగా సమంత ఈ సినిమా విశేషాలను తెలియజేశారు.