Samantha: సమంత పరిచయం అవసరం లేని పేరు నటిగా టాలీవుడ్ ఇండస్ట్రీలో ఎంతో మంచి సక్సెస్ అందుకున్నటువంటి సమయంలోనే తన వ్యక్తిగత కారణాల వల్ల సినిమాలకు విరామం ప్రకటించారు. ఈ విధంగా సమంత సినిమాలకు విరామం ప్రకటించడంతో తాను కమిట్ అయిన సినిమా షూటింగులు అన్నింటిని పూర్తి చేసి తన వ్యక్తిగత జీవితాన్ని ఎంతో ఎంజాయ్ చేస్తూ గడుపుతున్నారు.

ఇలా సమంత సినిమాలకు దూరమైనప్పటికీ సోషల్ మీడియా వేదికగా అభిమానులను సందడి చేస్తూ తనకు సంబంధించిన అన్ని విషయాలను ఎప్పటికప్పుడు అభిమానులతో పంచుకుంటున్నారు. ఇకపోతే తాజాగా ఈమె గురించి విజయ్ దేవరకొండ అభిమానులు తీవ్ర స్థాయిలో విమర్శలు కురిపించారు. ఈమె నటించిన ఖుషి సినిమా ప్రమోషన్లకు మాత్రం రావడం లేదు అంటూ విమర్శలు కురిపిస్తున్నారు.

ఇలా తన పట్ల విమర్శలు రావడంతో సమంత ఈ విమర్శలపై ఘాటుగా స్పందిస్తూ సోషల్ మీడియా వేదికగా చేసినటువంటి కామెంట్స్ ప్రస్తుతం వైరల్ అవుతున్నాయి. ఈ సందర్భంగా సమంత సోషల్ మీడియా వేదికగా స్పందిస్తూ… మీరు ఈ లోకం కోసం బ్రతకాల్సిన పనిలేదు. మీ గౌరవం ఏంటో తెలుసుకోండి మీ స్థాయిని పెంచుకోండి. మీరు సమాజం కోసం కాకుండా మీ కోసం బ్రతకండి.

Samantha: పదిమందిలో ఒకరిలా బ్రతకకండి..

మిమ్మల్ని ఈ సమాజం గుర్తించకపోవచ్చు అది అవసరం లేదు మీరు పదిమందిలో ఒకరిలా కాకుండా ఒక యూనిక్ గా ఉండటానికి ప్రయత్నించండి అంటూ ఈ సందర్భంగా సమంత చేసినటువంటి ఈ పోస్ట్ వైరల్ గా మారింది .ఎవరికోసమో తాను మారాల్సిన పనిలేదని తనకు నచ్చిన విధంగానే తాను బ్రతుకుతాను అంటూ ఇలా సమంత చెబుతూ చేసినటువంటి ఈ పోస్ట్ వైరల్ అవుతుంది.