జబర్దస్త్ షో కి పోటీగా మొదలుపెట్టిన ప్రోగ్రామ్ “అదిరింది” కానీ అంతగా సక్సెస్ అందుకోలేకపోతుంది. జబర్దస్త్ కు ఈ విధంగా కూడా పోటీ ఇవ్వలేకపోతుంది. నాగబాబు జబర్దస్త్ ను విడిచిపెట్టినా జబర్దస్త్ మాత్రం దూసుకుపోతుంది. జబర్దస్త్ క్రేజ్ ఏమాత్రం తగ్గలేదు. అయితే అనుకున్నంతగా అదిరింది ప్రోగ్రామ్ సక్సెస్ కాకపోవడంతో అదిరింది నిర్వాహకులు కొంతమందిపై గుర్రుగా ఉన్నారట.
ఈ నేపథ్యంలో ఎలాగైనా సరే అదిరింది షోను హిట్ చేయాలని రకరకాలుగా ప్రయత్నిస్తున్నారట. మరోపక్క జబర్డస్ట్ టీమ్ అదిరింది వచ్చే సమయంలో తమ పాత ఎపిసోడ్లు ప్రసారం చేస్తూ మరో కొత్త ఎత్తుగడ వేసింది. ఈ ఎత్తుగడ బాగానే సక్సెస్ అయినట్టు కనిపిస్తుంది. ఈ సమయంలో అదిరింది షో చూసే వారికంటే జబర్డస్ట్ పాత స్కిట్లు చూసే వారు ఎక్కువయ్యారు.
దీనితో దిక్కుతోచని స్థితిలో పడిపోయారు అదిరింది నిర్వాహకులు. ఇందులో భాగంగా రకరకాల ప్రయత్నాలు చేస్తున్నారు. ఈ నేపథ్యంలో మొన్నీమధ్యనే అదిరింది షో నుంచి యాంకర్ సమీరను మార్చివేశారు. సమీరా బదులుగా యాంకర్ రవి, భానులను తీసుకువచ్చారు. అయితే ఈ విషయాన్నీ సమీరాకు చెప్పనేలేదట. మొత్తంగా 26 ఎపిసోడ్ల కోసం అగ్రిమెంట్ చేసుకుని కేవలం 10 ఎపిసోడ్లు అవ్వగానే తీసేసారు.
అయితే సమీరను ఎందుకు తీసేసారు అనేదానిపై అదిరింది టీమ్ ఇప్పటి వరకు క్లారిటీ ఇవ్వలేదు. కానీ అదిరింది టీం నుంచి అందుతున్న సమాచారం ప్రకారం సమీరను గ్లామర్ డోస్ పెంచమని చెప్పారట. ఆమె అందుకు అంగీకరించకపోవడంతో ఆమెను పక్కకు పెట్టి మరో యాంకర్లను తీసుకొచ్చినట్టు తెలుస్తుంది. ఇది సినిమా కాదు కదా.. ఎక్స్పోజింగ్ చేయడానికి అందుకే సమీరా అంగీకరించలేదట. అయితే సమీరను ఎందుకు తప్పించారోvఅసలు నిజం నాగబాబుకు, అదిరింది మానేజ్మెంట్ కు మాత్రమే తెలియాలి.
