Sathya Sree : జబర్దస్త్ లో మేల్ కమెడియన్స్ కి కొదవ లేదు కానీ ఇప్పుడిప్పుడే ఫిమేల్ కమెడియన్స్ వస్తున్నారు. ఇంతకుముందు ఫిమేల్ కమెడియన్స్ కి బదులుగా లేడీ గెటప్ లతో కానిచ్చేవారు. నిజానికి లేడీ గెటప్ లకు మంచి క్రేజ్ ఉండేది. ఇక శాంతి స్వరూప్, వినోద్, పవన్, సాయి, హరి వంటి వారికి మంచి గుర్తింపు లేడీ గెటప్ వల్ల వచ్చింది. అలాంటి జబర్దస్త్ లో మొదటి సారి ఒక అమ్మాయి కమెడియన్ గా ఎంట్రీ ఇచ్చి ట్రెండ్ సెట్ చేసింది. జబర్దస్త్ వేదికతో మంచి నేమ్ ఫేమ్ సంపాదించుకున్న సత్య శ్రీ ప్రస్తుతం జబర్దస్త్ ను వీడి వేరే ఛానెల్స్ కి వెళ్ళిపోయింది. కానీ జబర్దస్త్ సత్య శ్రీ గా నన్ను పిలిస్తే ఆనందిస్తానంటూ చెబుతోంది.
జబర్దస్త్ లో చీర కట్టుకు అభిమానులున్నారు…
జబర్దస్త్ లో ఎక్కువగా చీరలో కనిపించిన సత్య శ్రీ చీరలో తనకు అభిమానులు ఉన్నారంటూ చెప్పింది. ఇక చీర ఊడిపోకుండా కట్టడానికి అర్ధ గంట సమయం తీసుకునేదాన్నని, వినోద్ నన్ను ఎంతసేపు చీర కట్టుకుంటావు అంటూ అనేవాడంటూ చెప్పింది. చీర కట్టుకుంటే డాన్స్ చేసిన అది ఉడిపోకూడదని సమయం తీసుకునేదానినంటూ చెప్పింది.
ఇక తాను కట్టే చీరలన్నీ తన తల్లి చీరలు అంటూ చెప్పింది. ఇప్పటివరకూ ఐదోందలు వరకు ఎపిసోడ్లు చేస్తే ప్రతి ఎపిసోడ్ లోనూ కట్టిన చీరలు కట్టకుండా కట్టానని, అయితే అన్నీ అమ్మ చీరలే అంటూ చెప్పింది సత్య శ్రీ. చమ్మక్ చంద్ర టీంలో సత్య శ్రీ చాలా స్కిట్లు చేసింది. చంద్ర, సత్య హిట్ పెయిర్ గా నిలిచారు. ఇక ఇపుడు మా టీవీ లోని కామెడీ షోలో ధన్ రాజ్ కి పెయిర్ గా స్కిట్లు చేస్తోంది.
