Savithri daughter Vijaya chamundeswari: అలనాటి తార సావిత్రి గారు హీరోలకు ధీటుగా ఎదిగిన స్టార్. సినిమాల్లోకి వచ్చిన కొద్ది కాలానికే అగ్ర హీరోయిన్ గా ఎదిగి ఇప్పటికీ ఎంతోమందికి నటనలో బెంచ్ మార్క్ సెట్ చేసిన మహానటి. ఆమె వెండి తెర మీద ఒక వెలుగు వెలిగినా , నిజ జీవితంలో మాత్రం ఓడిపోయింది. భర్త వల్ల, నమ్మిన వారు మోసం చేయడం వల్ల ఆర్థికంగాను చితికి పోయి అలానే మానసికంగాను క్రుంగిపోయి మరణించారు. ఆమె జీవితకథను మహానటి గా సినిమా తీసి అలాంటి ఆ మహనటి గురించి ఈ తరం వారికి తెలియజేసారు. ఇక ఆ సినిమా గురించిన ఆసక్తికర విషయాలను సావిత్రి గారి కూతురు విజయ చముండేశ్వరి గారు పంచుకున్నారు.
ఆ పాత్రకోసం ఎన్టీఆర్ ను అడిగితే….
మహానటి సినిమాలో కీర్తి సురేష్ నటన అద్భుతంగా ఉందంటూ విజయ చముండేశ్వరి గారు ప్రశంసించారు. చిన్న చిన్న హావభావాలను కూడా చక్కగా పలికించింది అంటూ తెలిపారు. ఇక సినిమాలో నాగేశ్వరావు లాగా ఆయన మనవడు నటించగా ఎన్టీఆర్ లాగా ఆయన మనవడు తారక్ నటించుంటే బాగుండేదని విజయ అభిప్రాయపడ్డారు. ఆ సినిమాల్లో అదొక్కటే కొరత మిగిలిపోయిందంటూ చెప్పారు. ఇదే విషయాన్ని ఎన్టీఆర్ ను అడిగానంటూ చెప్పారు.
మీరు మీ తాతగారి పాత్ర చేస్తే బాగుటుంది అని చెబితే ఆమ్మో మా తాతగారిని నేను చేయలేను భయం అంటూ చెప్పారట ఎన్టీఆర్. సినిమాలో అదొక్కటే నాకు అసంతృప్తి ఉంది అంటూ విజయ చాముండేశ్వరి తెలిపారు. ఎన్టీఆర్, ఏఎన్ఆర్ ఇద్దరు ఉంటేనే సావిత్రి జీవిత కథ కాకపోతే సినిమాల్లో ఆయన పాత్రను చక్కగానే చూపించాడు డైరెక్టర్ అంటూ చెప్పారు.
