Senior actor Dev Raj : ఎర్ర మందారం సినిమాతో తెలుగు సినిమా ఇండస్ట్రీలో విలన్ గా మంచి పేరు తెచ్చుకుని దాదాపు అందరు అగ్ర హీరోల సినిమాల్లోనూ విలన్ గా నటించిన కన్నడ నటుడు దేవ్ రాజ్ గారు. ఆయన మొదట విలన్ గా చేసినా ఆపైన కన్నడ సినిమాల్లో హీరోగా చాలా సినిమాల్లో చేసారు. ఒకవైపు విలన్ గా చేస్తూనే మరోవైపు క్యారెక్టర్ ఆర్టిస్ట్ గాను మరో వైపు హీరో గాను మంచి హిట్స్ అందుకున్నారు. ఎపుడూ తెలుగు మీడియాకు పెద్దగా కనిపించని దేవ్ రాజ్ గారు లేటెస్ట్ గా ఇంటర్వ్యూలో పాల్గొని అయన కుటుంబం అలాగే కెరీర్ గురించి మాట్లాడారు.
వీరప్పన్ సినిమా చేసినపుడు బాగా భయపడ్డాం…
ఒకప్పుడు గంధం చెక్కల దొంగ వీరప్పన్ అంటే తమిళ నాడు, కర్ణాటక పోలీసులకు కత్తి మీద సాము లాగా ఉండేది. వీరప్పన్ యాక్టీవ్ గా ఉన్న రోజుల్లోనే ఎంతో మంది పోలీసులని చంపిన రోజుల్లోనే ఆయన మీద సినిమా ఆయన సొంతూరు పరిసరాల్లో తీయడం, అందులో నటించడం పెద్ధ రిస్క్. అలాంటి రిస్క్ చేసారు విలన్ దేవరాజ్. ఆ సినిమా విశేషాలను షూటింగ్ టైంలో జరిగిన సంఘటనలను తెలిపారు. ఆ సినిమా షూటింగ్ మొత్తం అడవిలో వీరప్పన్ తిరిగే చోటే చేశారు. ఆయన 11 మంది పోలీసులను చంపేసిన లొకేషన్ లోనే షూటింగ్ చేసినపుడు సాయంత్రం 5 గంటలకల్లా షూటింగ్ ముగించుకుని వెళ్లిపోవాలని అందరం అనుకున్నాం.
రెండు జీపులలో కొద్ది మంది సిబ్బందితో వచ్చాము. ఇక ఆ లొకేషన్ లో ఎవరూ ఉండే ఆస్కారం లేదు, అది బాగా డీప్ ఫారెస్ట్. అయితే ఒక మనిషి కనిపించడంతో కొంచం టెన్షన్ పడి అందరం ప్యాక్ చేసుకుని వెళ్లే టైములో నా వెనక నుండి ఒకరు చేయి వేశారు. నేను సినిమా టీం అనుకున్నా, మాట్లాడి వెనక్కి తిరిగి చూసే సరికి కిలోమీటర్ దూరంలో పరిగేత్తుతూ ఉన్నాడు. అందరం భయపడి అక్కడి నుండి 11 కిలోమీటర్లు ఆగకుండా జీపుల వెనుక పరిగెత్తి వచ్చాము. ఆ రోజును ఇప్పటికీ మర్చిపోలేను, నా వెనుక చేయి వేసింద వీరప్పానో కాదో నాకు తెలియదు కానీ ఆ రోజు బాగా టెన్షన్ పడ్డాము అంటూ తెలిపారు.
