Senior actor Devraj : ఎర్ర మందారం సినిమాతో తెలుగు సినిమా ఇండస్ట్రీ లో విలన్ గా మంచి పేరు తెచ్చుకుని దాదాపు అందరు అగ్ర హీరోల సినిమాల్లోనూ విలన్ గా నటించిన కన్నడ నటుడు దేవ్ రాజ్ గారు. ఆయన మొదట విలన్ గా చేసినా ఆపైన కన్నడ సినిమాల్లో హీరోగా చాలా సినిమాల్లో చేసారు. ఒకవైపు విలన్ గా చేస్తూనే మరోవైపు క్యారెక్టర్ ఆర్టిస్ట్ గాను మరో వైపు హీరో గాను మంచి హిట్స్ అందుకున్నారు. ఎపుడూ తెలుగు మీడియాకు పెద్దగా కనిపించని దేవ్ రాజ్ గారు లేటెస్ట్ గా ఇంటర్వ్యూలో పాల్గొని అయన కుటుంబం అలాగే కెరీర్ గురించి మాట్లాడారు.
కొడుకులిద్దరూ యాక్టర్స్…
దేవ్ రాజ్ గారు తెలుగులో విలన్ గా ఎంత ఫేమస్ అయ్యారో కన్నడ లో హీరోగాను, విలన్ గాను అంతే ఫేమస్ అయ్యారు. ఇక ఆయన భార్య చంద్రలేఖ గారు కూడా హీరోయిన్ గా సినిమాలను చేసారు. అయితే ఆమె పెళ్ళయ్యాక సినిమాలను మానేశారు. ఇక దేవరాజ్ గారికి ఇద్దరు కొడుకులు ప్రజ్వల్, ప్రాణం కాగా ఇద్దరూ ఇండస్ట్రీలోకి అడుగుపెట్టారు. పెద్ధ కొడుకు ప్రజ్వల్ ఆల్రెడీ హీరోగా సినిమాలను చేస్తుండగా చిన్న కొడుకు కూడా సినిమాల్లోకి రాబోతున్నాడు.
అయితే చిన్న కొడుకు ప్రాణం చైల్డ్ ఆర్టిస్ట్ గా అనంత్ నాగ్ సినిమాలో నటించి కన్నడ స్టేట్ అవార్డు గెలుచుకున్నాడు కూడా. అయితే ఇద్దరు కొడుకులకు దేవ్ రాజ్ గారు ఒకటే చెప్పారట. నా పేరు మీద సినిమా అవకాశం మొదటగా రావొచ్చు, జనాలు టికెట్ తీసుకుని సినిమా చూడొచ్చు, కానీ అది ఒక సినిమాకు మాత్రమే పనిచేస్తుంది. మీకు టాలెంట్ ఉంటేనే ఇండస్ట్రీలో నిలబడతారు అంటూ చెప్పారట.
