Senior actor Kota Srinivasarao : విలనిజంలో కొత్త స్టైల్ చూపిన విలక్షణ నటుడు కోటా శ్రీనివాసరావు గారు. ఆయన కమెడియన్ గానూ విలన్ గానూ క్యారెక్టర్ ఆర్టిస్ట్ గానూ ఇలా ఎన్నో షేడ్స్ ఉన్న పాత్రల్లో ఒదిగిపోయి ఎంతోమంది తెలుగు ప్రేక్షకుల మనస్సులో స్థానాన్ని సంపాదించుకున్నారు. ఇక కోటా గారు సినిమాల్లోకి వచ్చేకన్నా ముందే బ్యాంకులో ఉద్యోగిగా ఉండేవారు. కొన్నేళ్లు బ్యాంకులో ఉద్యోగం చేస్తూనే సినిమాలను చేస్తూ రెండింటి మీద ప్రయాణం చేసారు. ఇక సినిమాల్లో మెల్లగా స్థిరపడిపోయాక ఉద్యోగం మానేసి పూర్తిగా సినిమాల్లో నటించారు. అలా సౌత్ భాషలలో నటించిన ఆయన ప్రస్తుతం వృద్ధాప్య సమస్యలతో బాధపడుతూ సినిమాల్లో నటించడం లేదు. అయితే పలు ఇంటర్వ్యూల్లో పాల్గొంటూ ఆయన సినిమా కెరీర్ విశేషాలను చెబుతుంటారు.
నాకు ఇష్టమైన నటుడు ఎన్టీఆర్…
కోటా శ్రీనివాస రావు గారు ప్రస్తుతం సినిమాల్లో నటించకపోయినా సినిమాల గురించి ప్రస్తుతం ఉన్న నటుల గురించి పలు ఇంటర్వ్యూలలో మాట్లాడారు. ఇపుడున్న హీరోలలో తనకు జూనియర్ ఎన్టీఆర్ ఇష్టం అంటూ చెప్పారు. ఇపుడున్న హీరోలలో ఎన్టీఆర్, మహేష్, బన్నీ ఇలా వీళ్లందరూ నటనలో బాగా నచ్చుతారు అయితే ఎన్టీఆర్ లో ఉన్న పోటెన్షియాలిటీ ఇంకెవరిలోనూ లేదు.
డాన్స్, నటన, డైలాగు డెలివరీ, వాక్చాతుర్యం ఇలా అన్నింటిలోనూ ఎన్టీఆర్ కి పోటీ ఎవరూ లేరు. ఇకముందు కూడా రాలేరు. వాళ్ళ తాతగారి నటన పునికి పుపూచ్చుకున్నాడు కాబట్టే ఎన్టీఆర్ అనే పేరు తెచ్చుకున్నాడు అంటూ చెప్పారు.
