Senior Actor Varalakshmi : నాగేశ్వరావు గారి సినిమా ‘అందాలరాముడు’తో ఇండస్ట్రీలో చైల్డ్ ఆర్టిస్ట్ గా నటించి బేబీ వరలక్ష్మి గా ఫేమస్ అయిన నటి వరలక్ష్మి. హీరోలకు చెల్లిగా కూడా ఎక్కువ సినిమాలలో నటించారు. ఎక్కువగా కృష్ణ గారికి చెల్లిగా నటించి నిజంగానే ఆయన చెల్లి అనేలా ఒదిగిపోయి నటించారు. ఇక ఆ తరువాత తరం అయిన చిరంజీవి, బాలకృష్ణ, వెంకటేష్, నాగార్జున లాంటి హీరోలకు చెల్లిగా నటించిన వరలక్ష్మిగారు పెళ్లి అయ్యాక పాప పుట్టిన తరువాత సినిమాలను తగ్గించి సీరియల్స్ ను చేస్తూ తెలుగు ఇండస్ట్రీకి కొంత దూరమయ్యారు. తాజాగా ఒక ఇంటర్వ్యూలో మాట్లాడిన వరలక్ష్మి గారు తన సినిమా అనుభవాలను పంచుకున్నారు.
అన్నపూర్ణమ్మ నాకు బంధువు…
వరలక్ష్మి గారు ఇండస్ట్రీలో చిన్నప్పటి నుండి ఉన్నా తన ఫ్యామిలీ గురించి పెద్దగా ఎవరికీ తెలియదు. వరలక్ష్మి గారికి ఒక అక్క ఇద్దరు చెల్లెల్లు ఉండగా చెల్లెల్లు రాణి, సరస్వతి కూడా సినిమాల్లోను ముఖ్యంగా సీరియల్స్ లో బాగా గుర్తింవు తెచ్చుకున్నారు. ఇక వరలక్ష్మి గారి అక్క భర్త స్వయానా అన్నపూర్ణమ్మ గారి తమ్ముడు అవ్వడం వల్ల వరలక్ష్మి గారికి అన్నపూర్ణమ్మ గారు పిన్ని అవుతారు.
ఈ విషయం చాలా మందికి తెలియదు. వారి పెళ్ళికి ముందే వరలక్మి గారి తల్లికి అన్నపూర్ణమ్మకు మంచి అనుబంధం ఉండేదట. అయితే చాలా సినిమాల్లో కలిసి నటించినా, బంధువే అయినా మాట్లాడాలంటే భయమంటూ వరలక్ష్మి గారు తెలిపారు. అన్నపూర్ణమ్మ గారు చాలా సరదాగా మాట్లాడినా తనకు మాత్రం బాగా భయం అంటూ తెలిపారు. అయితే ఆవిడ కుటుంబం కోసం చాలా చేసారని తమ్ముడంటే చాలా ఇష్టమంటూ చెప్పారు. వారికోసం ఏదైనా చేస్తారంటూ చెప్పారు.
