Senior actress Jhansi : ఎన్నో సినిమాల్లో క్యారెక్టర్ ఆర్టిస్ట్ గా అలరించిన అలనాటి నటి ఝాన్సీ. బాపు గారి సినిమాల్లో ఎక్కువగా కనిపించిన ఝాన్సీ గారు తల్లి పాత్రలతో ఎక్కువగా మెప్పించారు. ఎక్కువగా ఎన్టీఆర్ గారితోనూ, ఏఎన్ఆర్ తోనూ అప్పటి అగ్ర హీరోలందరితోనూ ఎన్నో సినీమాల్లో నటించిన ఆమె ఈ తరం వారికి గుర్తు రావాలంటే మాత్రం మనవూరి పాండవులు, పెళ్లి పుస్తకం, శంకరాభరణం వంటి సినిమాల్లో నటించిన ఝాన్సీ గారిని చూడవచ్చు. ఎన్నో సినిమాల్లో నటించిన ఆర్థికంగా బాగా సంపాదించుకున్నా నేడు ఒక చిన్నగదిలో కాలం వెళ్ళదీస్తున్నారు ఝాన్సీ.
ఝాన్సీ గారి భర్త… ఆస్తులు ఎలా పోయాయాంటే…
కొన్ని వందల సినిమాల్లో నటించిన ఝాన్సీ గారు ఆస్తులను బాగా సంపాదించారు. సినిమాలకు ఫైనాన్స్ చేస్తూ మరో వైపు సినిమాల్లో నటిస్తూ బాగానే సంపాదించిన ఝాన్సీ గారికి ఆమె భర్త ఒక సినిమాకు ఫైనాన్స్ చేసినపుడు ఆయన పార్టనర్ అవడంతో అలా పరిచయం ఏర్పడి ప్రేమించుకుని పెళ్లి చేసుకున్నారు. భర్త కెమికల్ ఫీల్డ్ లో పనిచేస్తారంటూ ఇండస్ట్రీకి సంబంధిచిన వ్యక్తి కాదని తెలిపారు ఝాన్సీ. సినిమా నిర్మాణంలోకి వెళ్ళకండి అని చాలా మందికి సలహాలు ఇచ్చేవారట ఝాన్సీ గారు.
కానీ ఆవిడే చివరికి సినిమా నిర్మాణంలోకి వచ్చి సుమన్ హీరోగా ‘ఖైదీ ఇన్స్పెక్టర్’ అనే సినిమాను తీశారు. ఆ సినిమాతో బాగా నష్టపోయిన ఆవిడ భర్త మరణించడం, పిల్లలు ఇంకా పెద్దవాళ్లు కాకపోవడం, బాధ్యతలు తన మీదే ఉండటం వల్ల ఉన్న ఆస్తులను అమ్మి అప్పులు లేకుండా చేసుకోవాలని భావించి ఆస్తి పోగొట్టుకున్నారు. చివరికి పిల్లలు సెటిల్ అయి, పెళ్లిళ్లు చేసుకుని ఎవరి దారి వారు చూసుకోవడంతో ఝాన్సీ వారి నిరాధరణకు గురై చిన్న గదిలో ఒంటరిగా కాలం వెల్లదీస్తున్నారు.
