Senior Journalist Bhardwaja : సంక్రాంతి పండగ అంటే సినిమాలకు పండగ. పెద్ద హీరో, చిన్న హీరో అని తేడా లేకుండా అందరి సినిమాలు ఈ పండగ అప్పుడు విడుదల చేసుకోడానికి ప్లాన్ చేస్తారు. అయితే ఈ సారి పండగకు చిన్న చిన్న సినిమాలు చాలానే ఉన్నా పెద్ద సినిమాలు కూడా పోటీపడ్డాయి. ఓవైపు మెగాస్టార్ మరోవైపు బాలయ్య, వీళ్ళిద్దరి సినిమాలు సంక్రాంతిని టార్గెట్ చేసాయి. ఇక వీరి మధ్యలో తమిళ హీరో విజయ్ వారసుడు అంటూ వచ్చాడు. అయితే సంక్రాంతి పండుగ ఆందరికీ సంతోషాన్నిచ్చింది. ఓ వైపు వీర సింహా రెడ్డికి థియేటర్లు హౌస్ ఫుల్ అవుతుంటే మరో వైపు వాల్తేరు వీరయ్య కు థియేటర్స్ నిండిపోతున్నాయి. ఇద్దరు పెద్ద హీరోల సినిమాలను అభిమానులు ఆదరించినా బరిలో ఎవరు ముందంజలో ఉన్నారో సీనియర్ జర్నలిస్ట్ భరద్వాజ తెలిపారు.
బరిలో ముందంజలో ఉన్న వీరయ్య, కారణం…
భరద్వాజ గారు ఇద్దరు హీరోలకు ఇప్పటికీ ఉన్న క్రేజ్ గురించి మాట్లాడుతూ ఇప్పటికీ ఇద్దరు హీరోలను సినిమాల్లో అది కూడ ఎంటర్టైన్మెంట్ మాస్ కమర్షియల్ సినిమాలో చూడాలని వారి అభిమానులు కోరుకుంటుండటం సినిమాలకు పెద్ద ప్లస్ అంటూ తెలిపారు. ఇక రెండు సినిమాల విషయానికి వస్తే చిరంజీవి వాల్తేరు వీరయ్య సినిమాకు ఎక్కువ కలెక్షన్స్ వస్తుండటం నిజమంటూ తెలిపారు. చిరంజీవి ని తన అభిమానులు ఎలాంటి సినిమాల్లో చూడాలని భావించరో అలాంటి సినిమాల్లో చూసారని ఎంటర్టైన్మెంట్ ఎక్కువగా ఉండటం వల్ల రిపీట్ ఆడియన్స్ సినిమాకు ఉన్నారంటూ తెలిపారు.
ఇక బాలకృష్ణ సినిమా మాస్ ఎంటర్టైనర్ గా విడుదల అయి అది కూడా మాస్ ఆడియన్సకి బాగా నచ్చినా రిపీట్ ఆడియన్స్ లేరు అదీ కాక ఫ్యామిలీ ఆడియన్స్ ఆసక్తి చూపడం లేదంటూ తెలిపారు. ప్రస్తుతం చిరంజీవి నుండి ఎలాంటి సినిమాలను జనాలు కోరుకుంటున్నారో ఆయనకు తెలిసింది అలానే బాలకృష్ణ ఆల్రడీ సక్సెస్ ట్రాక్ లో ఉంటూ మరో సక్సెస్ అందుకున్నారు కానీ సినిమాలో మరింత ఎంటర్టైన్మెంట్ అందించి ఉంటే సినిమా ఫలితం మరింత మెరుగ్గా ఉండేదంటూ తెలిపారు.
