Senior Journlist Imandhi Ramarao : ఎన్టీఆర్ గారి తనయుల్లో ముక్కుసూటిగా ఉంటూ ఏదైనా నిర్మొహమాటంగా చెప్పే గుణం కలిగిన వ్యక్తి అంటే హరికృష్ణ అని చెప్పవచ్చు. చిన్న వయసులో తండ్రి సినిమాలలో తమ్ముడు బాలకృష్ణ తో కలిసి నటించినా హరికృష్ణ కూడా మంచి ఆర్టిస్ట్. ఆయన హీరోగా సినిమాలను చేయలేదు. కానీ లేటు వయసులో సీతయ్య, లాహిరి లాహిరి లాహిరిలో అంటూ సినిమాలలో నటించి హిట్ అందుకున్నారు. ఇక ఆయన గురించి ఆయన తండ్రికి చేసిన సేవల గురించి సీనియర్ సినిమా జర్నలిస్ట్ ఇమంది రామారావు గారు మాట్లాడారు.
ఎన్టీఆర్ స్వార్థం కోసం హరికృష్ణ ను వాడుకున్నారు…
ఇమంది రామారావు గారు మాట్లాడుతూ హరికృష్ణ మంచి ఆర్టిస్ట్ అయినా ఆయనను ఎన్టీఆర్ తనతో పెట్టుకున్నారు. ఆయన సొంతంగా సినిమా తీస్తున్నారంటే అన్ని పనులు హరికృష్ణ చూసుకునేవాడు. ఏదైనా కావాలని తండ్రి చెప్పాడంటే వెంటనే తెప్పించేవాడు హరికృష్ణ. ఇక ఎన్టీఆర్ పార్టీ పెట్టక కూడా చైతన్య రథం పేరుతో మొత్తం పాత ఆంధ్రప్రదేశ్ మొత్తం తిరిగారు. ఆ సమయంలో హరికృష్ణ తన సినిమా కెరీర్ ను వదులుకుని తండ్రి కోసం తిరిగారు. అలా ఎన్టీఆర్ కోసం నటనను దూరం చేసుకున్నారు.
ఇక పాలిటిక్స్ లో కూడా ఎక్కువ కాలం సాగలేదు. ఆయన ముక్కుసూటి తనం వల్ల బావ చంద్రబాబుతో గొడవలు పడ్డాడు. ఇక లేటు వయసులో మళ్ళీ సినిమాలను తీసి హిట్ కొట్టారు. అంతకముందు శ్రీరాములయ్య సినిమాలో నక్సల్ పాత్రలో నటించినా, నాగార్జున కు అన్నగా సీతా రామ రాజు సినిమాలో నటించినా ఆయన నటన అందరికీ నచ్చింది. ఇక ఆయన నటుడుగా ఎంతో సాధించాలనుకున్నది ఆయన కొడుకు ద్వారా ఆ కోరికను తీర్చుకున్నాడు అంటూ హరికృష్ణ గారి గురించి ఇమంది గారు అభిప్రాయ పడ్డారు. ఇక హరికృష్ణ గారి రెండో పెళ్లి విషయం ఎన్టీఆర్ గారికి చాలా కాలం తెలియదని తారక్ పుట్టాకే తెలిసిందని ఇమంది గారు చెప్పారు.
