Serial Actress Asmitha : ఈటీవీ లో వచ్చిన పద్మవ్యూహం సీరియల్ ద్వారా నటిగా మారిన ఆశ్మిత సీరియల్స్ తో పాటు పలు సినిమాల్లోను కనిపించింది. అయితే ఎక్కువగా సీరియల్స్ తో గుర్తింపు పొందిన అస్మిత మా టీవిలో ప్రసారమయ్యే అగ్నిసాక్షి సీరియల్ ద్వారా విలన్ గా కూడా బాగా నటించి ప్రేక్షకులకు ఇంకా దగ్గరైంది. ఇక తన యూట్యూబ్ ఛానెల్ ద్వారా యూత్ కి బ్యూటీ టిప్స్ చెబుతూ మంచి ఫాలోయింగ్ తో ఉన్న అస్మిత పెళ్లి తరువాత యాక్టింగ్ కు దూరంగా ఉంది. సీరియల్స్ లో ఇక నటించకూడదని అనుకుంటున్నట్లు దానికి గల కారణాలను ఇటీవల ఇంటర్వ్యూ లో పేర్కొన్నారు.
అందుకే సీరియల్స్ చేయను…
అస్మిత సీరియల్స్ లో చాలా వరకు సాఫ్ట్ హీరోయిన్ రోల్స్ చేసారు. ఇక తనకు మాత్రం ఎపుడు ఏడిచే పాత్రలు కాకుండా ఏడిపించే పాత్ర చేయాలని ఉండేదట. అలా అగ్నిసాక్షి సీరియల్ లో విలన్ గా అవకాశం వస్తే చేసిన అస్మిత అందులో తన నటనతో ఆకట్టుకుంది. ఇక ఆ సీరియల్ తరువాత ఎన్నో అవకాశాలు వచ్చిన ఇక సీరియల్స్ కు గుడ్ బై చెప్పేసింది. తన డ్రీమ్ రోల్ అంటే అగ్నిసాక్షి సీరియల్ లో చేసినది అంటూ చెప్తున్న అస్మిత నా డ్రీమ్ రోల్ కూడా చేసేసాను అందుకే గుడ్ బై చెప్పేశా.
నేను మొదట ఇండస్ట్రీ కి వచ్చినపుడు ఉన్న ప్రొడక్షన్ వాల్యూస్ వేరు ఇపుడున్న పరిస్థితులు వేరు సీరియల్స్ లో ఆ తేడా ఎక్కువగా ఉంది. పాత సీరియల్స్ లో ఒక క్యారెక్టర్ ఇలా ఉంటుందని చెబితే చివరిదాకా అలానే ఉండేది. ఇప్పుడు అలా కాదు పూటకోసారి మార్పు వస్తుంది ట్విస్టులు అంటూ కథను ఏదో చేస్తున్నారు. అందుకే ఇక సీరియల్స్ లో నటించకూడదని భావించాను నాకు ఎలాంటి రెగ్రెట్స్ లేవు ఈ విషయంలో అంటూ చెప్పారు.
