Shaakuntalam: ప్రముఖ దర్శకుడు గుణశేఖర్ దర్శకత్వంలో సమంత కీలక పాత్రలో నటించిన శాకుంతలం సినిమా ఇటీవల విడుదలై డిజాస్టర్ టాక్ సొంతం చేసుకున్న సంగతి అందరికీ తెలిసిందే. పాన్ ఇండియా లెవెల్లో ఎంతో ప్రతిష్టాత్మకంగా తెరకెక్కిన ఈ సినిమా ఏప్రిల్ 14వ తేదీన ప్రేక్షకుల ముందుకి వచ్చింది.
ఈ సినిమా అనుకున్న స్థాయిలో లేకపోవడం,విజువల్స్ నాసిరకంగా ఉండడంతో ఈ సినిమా విడుదలైన మొదటి షో నుండే డిజాస్టర్ టాక్ సొంతం చేసుకుంది . ఇక ఈ సినిమా సమంతకెరీర్ లోనే బిగ్గెస్ట్ డిజాస్టర్ గా మిగిలింది. ఇక ఈ సినిమా గురించి సమంత స్పందిస్తూ కర్మ ఫలితాన్ని అనుభవించక తప్పదు అంటూ భగవద్గీతలోని ఒక కొటేషన్ షేర్ చేసింది. దిల్ రాజు కూడా ఈ సినిమా మీద భారీ నమ్మకంతో నిర్మాతగా వ్యవహరించాడు. అయితే దిల్ రాజు పాతికేళ్ళ సినీ కెరీర్ లో కూడా శాకుంతలం భారీ దెబ్బ తీసినట్లు ఆయనే స్వయంగా వెల్లడించాడు.
ఇక ఈ సినిమా డిజాస్టర్ టాక్ సొంతం చేసుకోవడంతో సినిమా చూడటానికి ప్రేక్షకులు థియేటర్లకు రావటం లేదు. అందువల్ల ఈ సినిమాని ఓటీటీలో విడుదల చేయటానికి సన్నాహాలు చేస్తున్నట్లు తెలుస్తోంది.
ఈ సినిమాకు సంబంధించిన ఓటీటీ రిలీజ్ అప్డేట్ కూడా తెరమీదకు వచ్చింది. ఈ సినిమా ఓటీటీ రిలీజ్ డేట్ ఫిక్స్ అయినట్లు తెలుస్తోంది.
Shaakuntalam: అమెజాన్ ప్రైమ్ లో స్ట్రీమింగ్…
ఈ సినిమాకు సంబంధించి అన్ని భాషల ఓటీటీ రిలీజ్ హక్కులను అమెజాన్ ప్రైమ్ సంస్థ భారీ దరకే దక్కించుకున్నట్లు తెలుస్తోంది. సినిమా భారీ డిజాస్టర్ కావడంతో పాటు థియేటర్ల నుంచి సినిమాని తప్పించడంతో మే 12 వ తేదీ నుంచి ఈ సినిమాని ఓటీటీలో స్ట్రీమ్ చేయనున్నట్లు సమాచారం. అయితే శాకుంతలం ఓటిటి రిలీజ్ కి సంబంధించిన అధికారిక ప్రకటన ఇప్పటివరకు వెలువడ లేదు. అయితే ఒకటి రెండు రోజుల్లో ఈ విషయంపై అధికారిక ప్రకటన వెలువడే అవకాశం ఉందని తెలుస్తోంది.