Shakalaka Shankar : జబర్దస్త్ లో కమెడియన్ గా మంచి గుర్తింపు అందుకున్న శకలక శంకర్ ఆ తరువాత సినిమాల్లో నటించారు. ముఖ్యంగా డైరెక్టర్ ఆర్జీవీని అనుకరించడం ద్వారా ఫేమస్ అయిన శంకర్ పలు సినిమాల్లో హీరోగా కూడా నటించారు. ప్రస్తుతం సినిమాల్లో కనిపించకపోయినా ఇప్పటికీ పలు సినిమాల ప్రమోషన్స్ లోను ఈవెంట్స్ లోనూ మాట్లాడుతూ వైరల్ అవుతుంటారు. ఇక పవన్ కళ్యాణ్ తనకు ఇన్స్పిరేషన్ అంటూ చెప్పే శంకర్ తన సొంతూరు శ్రీకాకుళం యాసలో డైలాగులు చెబుతూ మొదట్లో బాగా పేరు తెచ్చుకున్నారు. ఇక ‘రాజయోగం’ అనే సినిమా ప్రమోషన్స్ లో హాట్ కామెంట్స్ చేసి మరోసారి వైరల్ అయ్యాడు.
కస్టపడితేనే స్టార్లవుతారు…
రాజయోగం సినిమా ప్రమోషన్స్ లో పాల్గొన్న శంకర్ ఆ సినిమా గురించి చెబుతూ మధ్యలో బండ్ల గణేష్ అన్నకి ఇండైరెక్ట్ గా కౌంటర్ వేసాడు. అదృష్టం కొద్ది మెగాస్టార్లు, సూపర్ స్టార్లు అవుతారు నటు అంటూ గణేష్ చేసిన వాఖ్యలకు శంకర్ కౌంటర్ ఇస్తూ ఎవరూ కష్టపడకుండా స్టార్లయిపోరు అంటూ చెప్పారు. ఎన్నో ఏళ్ళు కస్టపడితేనే వాళ్ళు మెగాస్టార్లు, సూపర్ స్టార్లు అయ్యారు అంటూ చెప్పారు.
ఈ మాటలు కనెక్ట్ అయ్యే వాళ్లకి కనెక్ట్ అవుతాయి అంటూ బండ్ల అన్న పేరు చెప్పకుండానే కౌంటర్ వేసాడు శంకర్. మన ముందు ఒక హీరో ఉన్నాడు అతడిని పొగడాలనే ఉదేశంతో ఒళ్ళు మరచిపోయి మాట్లాడకూడదంటూ సలహా చెప్పారు శంకర్.
