Shanthi Swaroop : కృష్ణ నగర్ లో ఆఫీస్ బాయ్స్ నుంచి జబర్దస్త్ కామెడీ షో వరకూ తన ప్రస్థానంలో ఎన్నో కష్టాలు పడినా ప్రస్తుతం ఎంతో మంది అభిమానులను సంపాదించుకున్నాడు శాంతి స్వరూప్. శాంతి స్వరూప్ గా కన్నా జబర్దస్త్ శాంతి గానే అందరికీ పరిచయం. అన్నీ లేడీ గెటప్ లే వస్తున్నా నిరాశ పడకుండా ఆ లేడీ గెటప్ లతోనే అందరినీ అలరిస్తున్నాడు. శాంతి స్వరూప్ జబర్దస్త్ తోనే కాదు తన యూట్యూబ్ చానల్ తో కూడా అభిమానులను అలరిస్తుంటాడు. తాజాగా శాంతి స్వరూప్ తన సొంత ఊరిలోని ఇంటిని హోమ్ టూర్ వీడియో చేసి అభిమానులతో పంచుకున్నాడు.
సొంతఊరితో తన అనుబందాన్ని తెలియజేస్తూ…
ఇటీవల సోషల్ మీడియాలో హోమ్ టూర్ వీడియోలు ఎక్కువ అయ్యాయి. సినీతారల నుంచి సీరియల్స్ ఆర్టిస్టులు, జబర్దస్త్ కమెడియన్లు అందరూ తమ సొంత ఇల్లులు అభిమానులు చూడలేరని వారి కోసం హోమ్ టూర్ వీడియోలు చేస్తుంటారు. ఇటీవల శాంతి స్వరూప్ తాను పుట్టి పెరిగిన నెల్లూరు జిల్లా, జిట్రగుంట గ్రామంలోని వారి సొంత ఇల్లుని హోమ్ టూర్ వీడియో చేశాడు.
కెరీర్ పరంగా హైదరాబాద్ లోనే ఉంటున్నాను అని సొంత ఊరు వచ్చి చాలా ఏళ్లయింది అని చెప్తూ తాను పుట్టి పెరిగిన ఇంటిని చూపించాడు. ఈ వీడియో ద్వారా సొంత ఊరితో వాళ్ళ ఇంటితో తనకున్న అనుబంధాన్ని అభిమానులతో పంచుకున్నాడు. అయితే ప్రస్థుతం శాంతి స్వరూప్ చేసిన ఈ హోమ్ టూర్ వీడియో వైరల్ అవుతోంది.
