Singer Anitha Nagaraj : 2008 ఆ ప్రాంతంలో యువతను బాగా ఆకట్టుకున్న పాట ‘అనిత ఓ అనిత’. ఒక సినిమా పాట కూడా అంత వేగంగా ప్రాచుర్యం పొందదేమో అన్నట్లుగా అనిత అనే పాట ఆకట్టుకుంది. అప్పటికి ఇంకా స్మార్ట్ ఫోన్స్ అంత అందుబాటులో లేకపోయినా ఈ పాట అందరికీ చేరువయింది. అప్పట్లో ఈ పాట ఎవరు రాసారో, ఎక్కడినుండి ఈ పాట వచ్చిందో ఎవరికీ తెలియ్యకపోయినా ప్రస్తుతం ఉన్న సోషల్ మీడియా ప్రపంచంలో ఆ పాట రాసి పాడిన నాగరాజ్ అందరికీ పరిచయమాయ్యడు. తెలంగాణ రాష్ట్రానికి చెందిన నాగరాజ్ ఈ పాట స్వయంగా తానే రాసి పాడటం విశేషం. ఇక ఈ పాటకు సంబంధించిన అనేక విషయాలను రీసెంట్ గా ఒక ఇంటర్వ్యూలో నాగరాజ్ పంచుకున్నారు. అలాగే తన ఆర్థిక ఇబ్బందులను తెలియజేశారు.
అనిత పెళ్లి అయిపోయింది…
నాగరాజ్ కాలేజీలో చదివే రోజుల్లో తాను ఇష్టపడిన అమ్మాయి అనిత పెద్దల మాటకు ఎదురుచెప్పలేక పెళ్లి చేసుకోవడం వల్ల ఆ బాధ నుండే ఈ అనిత ఓ అనిత పాట పుట్టిందని నాగరాజ్ తెలిపారు. ఆమె చనిపోయిందని ఆ బాధలో ఈ పాట పుట్టిందని వచ్చిన పుకార్లన్నీ అపద్ధాలు అంటూ తెలిపారు.
అనిత వాళ్ళింటిలో మా ప్రేమను ఒప్పుకునే పరిస్థితి లేదు, వాళ్ళింట్లో వాళ్ళు విషం తాగి చచ్చిపోతాం అని బెదిరించడంతో తాను మాత్రం ఏం చేస్తుంది వాళ్ళింట్లో వాళ్ళు చెప్పినట్లు పెళ్లి చేసుకుంది. కానీ తనకు థాంక్స్ చెప్పాలి, తనతో బ్రేక్ అప్ అవడం వల్లే నేను పాట రాయగలిగాను, ఇంత ఫేమస్ అయ్యాను అంటూ తెలిపారు నాగరాజ్. ఇక తనకు పెళ్ళై ఇద్దరు పిల్లలు ఉన్నారని తెలిపారు.
