Singer Sunitha: నన్ను చూసి ఇష్టపడుతున్నారా.. నా పాటను చూసి ఇష్టపడుతున్నారా.. అభిమానుల గురించి సునీత షాకింగ్ కామెంట్స్!

Singer Sunitha:సింగర్ సునీత టాలీవుడ్ ప్రేక్షకులకు పరిచయం అవసరం లేని పేరు ప్లే బ్యాక్ సింగర్ గా డబ్బింగ్ ఆర్టిస్ట్ గా ఎంతో మంచి పేరు ప్రఖ్యాతలు సంపాదించుకున్న సునీత ప్రస్తుతం రెండవ వివాహం చేసుకొని తన వైవాహిక జీవితంలో ఎంతో సంతోషంగా గడుపుతున్నారు.ఇలా ఇండస్ట్రీలో ఎన్నో అద్భుతమైన పాటలను ఆలపించి ఎంతోమంది నటీమణులకు డబ్బింగ్ చెప్పిన ఈమె హీరోయిన్ రేంజ్ పాపులారిటీ సొంతం చేసుకున్నారు.

ఇకపోతే తాజాగా ఒక ఇంటర్వ్యూలో పాల్గొన్నటువంటి సునీత తన వ్యక్తిగత జీవితం గురించి కెరియర్ గురించి ఎన్నో ఆసక్తికరమైన విషయాలను తెలియజేస్తూ ఎమోషనల్ అయ్యారు. ఇదిలా ఉండగా ఈ ఇంటర్వ్యూలో భాగంగా యాంకర్ నుంచి సునీతకు ఒక ప్రశ్న ఎదురయింది. టాప్ హీరోయిన్లకు సమానమైన ఫ్యాన్ ఫాలోయింగ్ మీకు ఉంది మీరు ట్రెండ్ సెట్టరా అని ప్రశ్నించారు.

ఈ ప్రశ్నపై సునీత స్పందిస్తూ నాకు కూడా అదే అర్థం కాలేదు వాళ్ళు ఏం చూసి నన్ను అభిమానిస్తున్నారో అర్థం కాలేదు అంటూ సమాధానం చెప్పడంతో మీరు హీరోయిన్ పాపులారిటీ ఉందని ఒప్పుకున్నట్టే కదా అంటూ యాంకర్ అన్నారు.అయితే ఇలాంటి కొన్ని అంశాలు తరచూ తనని ఇబ్బంది పెడుతూ ఉంటాయని ఈ సందర్భంగా తన అభిమానుల గురించి సునీత పలు విషయాలను వెల్లడించారు. ఇంతమంది అభిమానులు నాకు ఇచ్చినందుకు ఆ భగవంతుడికి కృతజ్ఞతలు తెలియజేయాలి.

Singer Sunitha: చీర ఎక్కడ కొన్నారని అడిగారు..

ఇలా నా అభిమానులు ఎక్కడికి వెళ్లినా మీ పాటంటే ఇష్టం అంటూ చాలామంది సమాధానం చెప్పారు అయితే వాళ్లు నన్ను చూసి ఇష్టపడ్డారా నా పాటను చూసి ఇష్టపడ్డారా అనే విషయం అర్థం కానిది.ఇలాగే ఓసారి ఓ కార్యక్రమానికి వెళ్లగా ఓ అభిమాని నన్ను చూసి పరుగులు పెడుతూ వచ్చారు. అప్పటికీ బౌన్సర్లు తనని అడ్డుకోగా తనని పంపించమని చెప్పాను ఆయన తన వద్దకు వచ్చి మీ పాటలంటే ఇష్టమని చెబుతాడని నేను భావించాను అయితే తను మాత్రం తన ఫోన్లో నుంచి నా ఫోటో చూపించి మీరు ఈ చీర ఎక్కడ కొన్నారు అంటూ ప్రశ్నించారు.ఈ చీర చాలా అద్భుతంగా ఉంది మా భార్యకు గిఫ్ట్ ఇద్దాం అనుకుంటున్నా ఎక్కడ కొన్నారు అంటూ నన్ను ప్రశ్నించడంతో ఒక్కసారిగా ఆశ్చర్యం వేసింది అంటూ తన అభిమానులతో తనకు ఎదురైన సంఘటనల గురించి ఈ సందర్భంగా సునీత సమాధానం చెప్పారు.