Social Activist Krishna Kumari : సక్సెస్ పొగరుతో మాట్లాడాడు… బాలకృష్ణ పై సామాజికవేత్త కృష్ణ కుమారి షాకింగ్ కామెంట్స్…!

0
206

Social Activist Krishna kumari : వీర సింహా రెడ్డి సక్సెస్ మీట్ లో నోరు జారి లెజెండ్రీ నటుల గురించి తప్పుగా మాట్లాడటంతో బాలకృష్ణ చిక్కిళ్ళో పడ్డాడు. ఆరోజున విషయం సైలెంట్ గానే ఉన్నా సోషల్ మీడియా పుణ్యమా అని వీడియో వైరల్ అవడంతో ఇప్పుడు అక్కినేని ఫాన్స్ నుండి తీవ్ర అభ్యంతరం వ్యక్తం అవుతుంది. క్షమాపణ కూడా చెప్పలేదంటూ బాలయ్య మీద అక్కినేని ఫాన్స్ ఫైర్ అవుతుండగా ఇదే ఇష్యూ మీద సామాజిక వేత్త కృష్ణ కుమారి మాట్లాడారు.

బాలయ్య ఒత్తిడిలో ఉన్నాడు…

సామాజిక వేత్త కృష్ణ కుమారి మాట్లాడుతూ టంగ్ స్లిప్ అవ్వడం కామన్ కానీ సెలబ్రిటీలు అందునా అగ్ర నటుడుగా ఉంటున్న బాలకృష్ణ ఇలా సీనియర్ నటులను మాట్లాడటం బాగోలేదు. అయితే ఫ్లోలో అలా ఆ రంగారావు ఈ రంగారావు, అక్కినేని తొక్కినేని అంటూ మాట్లాడాడు కానీ కావాలని అన్నవి కాదు అంటూ చెప్పారు. అయితే బాలకృష్ణ అఖండ సినిమా నుండి వరుసగా సక్సెస్ చూస్తున్నారు, అలానే ఒకవైపు రాజకీయాల్లో టెన్షన్స్ ఉన్నాయి వాటివల్ల ఒత్తిడి ఖచ్చితంగా ఉంటుంది.

సాధారణంగా బాలకృష్ణ అలా ఎదుటి వారికి గౌరవం ఇవ్వకుండా అందులోనూ తన తండ్రితో సమకాలిన నటులకు గౌరవం ఇవ్వకుండా మాట్లాడరు. ఆయన చాలా చిన్న స్థాయి వ్యక్తులను కూడా బాగా పలకరించడం, బసవతారకం హాస్పిటల్ లో నేనే స్వయంగా చూసాను అంటూ చెప్పారు కృష్ణ కుమారి. ఇక ఈ విషయంలో అక్కినేని వారసులు స్పందించిన తీరు చాలా బాగుంది, సమయస్ఫూర్తితో చక్కగా మాట్లాడారు అంటూ చెప్పారు.