Sreeram Chandra : ఆహా ఒరిజినల్స్ లో ప్రసారమవుతున్న ఇండియన్ ఐడల్ కార్యక్రమానికి ఇండియన్ ఐడల్ విజేత శ్రీరామ్ చంద్ర యాంకర్ గా వ్యవహారిస్తున్నాడు. ఈ షో చాలా బాగా హోస్ట్ చేస్తున్నాడు శ్రీరామ్. ఈ షోకి ఇటీవలే నందమూరి బాలకృష్ణ కుడా గెస్ట్ గా వచ్చి షో కి బూస్ట్ ఇచ్చారు. తాజాగా ఈ షో కి సంబంధించిన ప్రోమోను వదిలారు ఆహా టీం.
కవితతో అలరించిన శ్రీరామ్…
ఈ షోలో మాటలే కాదు కవితలు కూడా చెప్పడం శ్రీరామ్ కు అలవాటు. అలానే ఇపుడు కూడా ఉష ఉత్తుప్ పై కవిత చెప్పారు. ఉషా ఉత్తుప్ గారు మీ గొంతు గంభీరం, మీ పాట అమృతం, మీరు మైక్ లేకుండా పాడితే కీచురాళ్లు అది వినిపిస్తుంది కొన్ని మైళ్లు, మీ నుదిటిన పెద్ద బొట్టు, ఇంత అందాన్ని ఎప్పుడూ చూడలేదు ఒట్టు… అంటూ కవితతో ఆకట్టుకున్నాడు. అయితే అంతవరకు బాగానే ఉన్నా ఉష ఉత్తుప్ కి మాత్రం కవిత నచ్చలేదు.
గంభీరం అంటావా…. నన్ను మగవాళ్ళతో పోల్చావ్….
ఇక కవితలో మీ గొంతు గంభీరం అంటూ అన్న మాటలు ఉష ఉత్తుప్ కి నచ్చలేదు. నన్ను మగవాళ్లతో పోల్చావ్, గంభీరంగా నా గొంతు ఉంటుందని అంటూ ఫైర్ అయ్యారు. షో వాతావరణం మొత్తం ఒక్కసారిగా మారిపోయింది. కలకత్తా నుండి ఇక్కడి దాక వస్తే ఇలానా చేసేది అని ఉష ఉత్తుప్ అన్నారు. దీంతో వెంటనే శ్రీరామ్ ఉష కాళ్ళు పట్టుకుని క్షమాపణలు చెప్పడంతో ప్రోమో ముగుస్తుంది. అయితే నెటిజన్స్ మాత్రం షో ప్రోమోపై ఫైర్ అయ్యారు. టీఆర్పి కోసం మరి ఇంతలా దిగజారాలా అంటూ కామెంట్స్ చేస్తున్నారు. మరికొంతమంది చూశాంలే ఇలాంటివి చాలానే అంటూ కామెంట్స్ చేస్తున్నారు.
