Srireddy : తెలుగులో శ్రీ రెడ్డి అంటే తెలియని వాళ్ళు ఉండరు. సినిమాల్లో కనిపించకపోయినా సినిమా ఇండస్ట్రీలో క్యాస్టింగ్ కౌచ్ గురించి మాట్లాడుతూ ట్రెండింగ్ లో ఉంటోంది. ఈమె ఏ సెలబ్రిటీ గురించి ఏం మాట్లాడుతుందో అన్న భయం సినిమా ప్రముఖుల్లో మొదలైంది. క్యాస్టింగ్ కౌచ్ గురించి ఈమె ఏకంగా ఫిలిం ఛాంబర్ ముందు అర్ధ నగ్న ప్రదర్శన చేసి దేశవ్యాప్తంగా సంచలనం అయ్యింది. గత కొన్నిరోజులుగా శ్రీ రెడ్డి తన మకాం హైదరాబాద్ నుండి తమిళనాడుకి మార్చేసింది. ఈమధ్యనే ఒక వీడియోలో తాను ఎందుకు హైదరాబాద్ వదిలి చెన్నై వెళ్లాల్సి వచ్చిందో కూడా చెప్పింది. ఇక్కడ ఇండస్ట్రీలోని పెద్ద కుటుంబాల వాళ్ళు తనకు అవకాశాలు రాకుండా అడ్డుకుంటున్నారని ఆరోపించింది. సినిమాల్లో కానీ టీవీ రంగంలో కానీ ఎక్కడా తనకు అవకాశాలు రాకుండా అడ్డుకుంటూ ఉండటంతో చెన్నై వెళ్లి యూట్యూబ్ ఛానల్ ద్వారా సంపాదించుకుంటున్నానని చెప్పింది. ఇక ఈ మధ్యనే మళ్ళీ తెలుగు సోషల్ మీడియా ఇంటర్వ్యూలలో ఎక్కువగా కనిపిస్తున్న శ్రీరెడ్డి పలు ఆసక్తికర విషయాలను పంచుకుంది.
నేను నగ్నంగా ఉన్నట్లే…
శ్రీరెడ్డి సోషల్ మీడియాను ఉపయోగించుకుని చీప్ పబ్లిసిటీ చేస్తోంది అనే వాదన ఉంది అంటూ ఇంటర్వ్యూలో అడిగిన ప్రశ్నకు శ్రీ రెడ్డి తన స్టైల్ లో సమాధానం చెప్పింది. తాను తన కెరీర్ మొదట్లో సాక్షి ఛానెల్ లో జర్నలిస్ట్ గా పనిచేసానని, అక్కడే నిజం నిర్భయంగా మాట్లాడటం నేర్చుకున్నానని, నా పోరాటం నాకు అవకాశాలు రావడం కోసమా కాదు నాకు జరిగిన అవమానాలు వంటివి ఓపెన్ గా చెప్పడం వల్ల ఇండస్ట్రీలో కొంచమైనా పరిస్థితులు మారుతాయని భావిస్తున్నట్లు తెలిపారు.
తను న్యూస్ రీడర్ గా ఉన్న సమయంలోనే ఎంతో మంది అభిమానులు ఉన్నారని అందుకే సోషల్ మీడియాలో ఎంతో మంది ఫాలోయర్స్ తనకు ఉన్నట్లు తెలిపారు. చీప్ పబ్లిసిటీ చేయాల్సిన పనిలేదని అందుకోసం నాకు జరిగిన సంఘటనలను చెప్పాల్సిన పనిలేదు, దానివల్ల నేను ఇప్పుడు చీర కట్టుకుని కూర్చున్నా నగ్నంగా ఉన్నట్లే. అలాంటి పని నేనేందుకు చేయాల్సి వచ్చిందంటే నేను జర్నలిజంలో నేర్చుకున్న వాల్యూస్ వల్లే నేను నిజం కోసం పోరాడుతున్నాను అంటూ నేను ఇంటర్వ్యూల కోసం డబ్బు తీసుకోను, మరి ఇంకెందుకు చీప్ పబ్లిసిటీ చేస్తాను అంటూ శ్రీ రెడ్డి మాట్లాడారు.
