Super star Krishna : దర్శకేంధ్రుడు రాఘవేంద్ర రావు మాస్ ప్రేక్షకుల పల్స్ తెలిసిన డైరెక్టర్. ఇక ఎటువంటి ప్రయోగాలకైనా ముందుండి మాస్ ఫాలోయింగ్ ను సొంతం చేసుకున్న హీరో సూపర్ స్టార్ కృష్ణ, తెలుగు తెరకు కొత్తరకం సినిమాలను పరిచయం చేసిన ఆయన ట్రెండ్ సెట్టర్ గా నిలిచారు. ఇక అలాంటి సూపర్ స్టార్ తో దర్శకేంధ్రుడి కాంబినేషన్ లో వచ్చిన సినిమాలు తొమ్మిది అయితే అందులో దాదాపు అన్ని సినిమాలు హిట్లుగా నిలిచాయి. అందులో ఖచ్చితంగా చెప్పుకోవాల్సిన సినిమా అగ్నిపర్వతం. సూపర్ స్టార్ కెరీర్ లోనే సూపర్ హిట్ సినిమా అగ్నిపర్వతం 1 కేంద్రాల్లో వందరోజులు, 8 కేంద్రాల్లో సిల్వర్ జూబ్లీ చేసుకున్న సినిమాగా నిలిచింది.
మెగాస్టార్ చీఫ్ గెస్ట్…
రాఘవేంద్ర రావు, కృష్ణ కాంబినేషన్ లో వచ్చిన తొమ్మిది సినిమాలలో ఏడవ సినిమా అగ్నిపర్వతం. ఈ సినిమా కోసం 28 లక్షల బడ్జెట్ పెట్టారు వైజయంతి మూవీస్ బ్యానర్ అధినేత అశ్విని దత్. ఇక ఈ సినిమాలో మొదట హీరోయిన్ గా శ్రీదేవి ని అనుకున్నా ఆమె వద్దనుకోవడంతో విజయశాంతి, రాధా లను ఫైనల్ చేసారు. ఇక రాఘవేంద్ర రావు అనగానే పాటల్లో హీరోయిన్స్ ను గ్లామర్ గా చూపించడంలో ఆయనకు ఆయనే సాటి. ఇక పాటలు కూడా సూపర్ హిట్ అయ్యాయి.
సినిమా షూటింగ్ మాద్రాస్ లో జరిగిన వేడుకకు బాలీవుడ్ హీరో జితేంద్ర హాజరయ్యారు. తొలిసారి పద్మాలయా స్టూడియో ప్రారంభం అయ్యాక అందులో నిర్మించిన మొదటి సినిమా అగ్నిపర్వతం. ఇక సినిమాలో జమదగ్ని పాత్రలో కృష్ణ యాక్టింగ్ కి ఫ్యాన్స్ ఊగిపోయారు. ఇక సినిమా షూటింగ్ ఊటి, మద్రాస్, హైదరాబాద్, నెల్లూరు లో జరిగింది. ఈ సినిమా సూపర్ హిట్ అయి 100 డేస్ ఫంక్షన్ మద్రాస్ లో చాలా గ్రాండ్ గా నిర్వహించారు. ఈ వేడుకకి మెగాస్టార్, బాలీవుడ్ నుండి జితేంద్ర ముఖ్య అతిధులుగా హాజరవడం విశేషం.
