Actor Sunil: తెలుగు చిత్ర పరిశ్రమలో కమెడియన్ గా ఎంతో పేరు ప్రఖ్యాతలు సంపాదించుకున్న వారిలో సునీల్ ఒకరు ఈయన కెరియర్ మొదట్లో కమెడియన్ ఎన్నో సినిమాలలో నటించి ఎంతో మంది అభిమానులను సంపాదించుకున్నారు. ఇలా కమెడియన్ గా బిజీగా ఉన్న సమయంలోనే ఈయనకు హీరోగా అవకాశం వచ్చింది. ఇలా హీరోగా పలు సినిమాలలో నటించారు అయితే హీరోగా పెద్దగా సక్సెస్ కాలేకపోయారు.
ఇలా హీరోగా అవకాశాలు రావడం తగ్గిపోవడంతో తిరిగి ఈయన కమెడియన్ గా సహాయ నటుడిగా సినిమాలలో నటించారు.అలాగే విలన్ పాత్రలలో కూడా నటించారు. ప్రస్తుతం ఈయన వరుసగా విలన్ పాత్రలలో నటిస్తూ ఇండస్ట్రీలో ఎంతో బిజీగా ఉన్నారు.ఈ క్రమంలోనే ఒక ఇంటర్వ్యూలో పాల్గొన్నటువంటి సునీల్ పుష్ప సినిమాలోని మంగళం శీను పాత్ర గురించి పలు ఆసక్తికరమైన విషయాలు తెలియజేశారు.
సుకుమార్ దర్శకత్వంలో అల్లు అర్జున్ హీరోగా నటించిన ఈ పాన్ ఇండియా సినిమాలో సునీల్ మంగళం శీను అనే విలన్ పాత్రలో నటించిన విషయం మనకు తెలిసిందే. ఈ సినిమాలో ఈయన నటనకు ఎంతో మంచి గుర్తింపు వచ్చింది. ఈ సినిమా అనంతరం సునీల్ కు విలన్ గా నటించడానికి ఎక్కువగా అవకాశాలు రావడం విశేషం. అయితే ఈ ఇంటర్వ్యూ సందర్భంగా మంగళం శీను పాత్ర గురించి సునీల్ పలు విషయాలు తెలియజేశారు.
Actor Sunil: ఏదైనా కొత్తగా ట్రై చేయాలి…
తనకు సుకుమార్ తో ఉన్నటువంటి మంచి అనుబంధం కారణంగా ఏదైనా అవకాశం ఉంటే చెప్పండి అని అడిగాను. అలా అడగడంతో వెంటనే సుకుమార్ ఇప్పటికే నీ బాడీలో ఉన్న అన్ని యాంగిల్స్ చూపించావు అని అనేశారు. నీకు అవకాశం ఇవ్వాలంటే కొత్తగా ట్రై చేయాలని చెప్పారు. ఇక ఆ సమయంలో కరోనా ఉండడంతో ఆయన మంగళం శీను పాత్రను డిజైన్ చేసి స్కెచ్ పంపించారు. అందుకు అనుగుణంగా నేను తయారై ఫోటో టెస్ట్ చేసి పంపించాను. చివరికి ఆ పాత్రకు తనని ఓకే చేశారని ఈ సందర్భంగా సునీల్ మంగళం శీను పాత్ర గురించి తెలుపుతూ చేసినటువంటి కామెంట్స్ వైరల్ అవుతున్నాయి.
Anchor Anasuya: యాంకర్ గా బుల్లితెరపై ఎన్నో కార్యక్రమాలతో ఎంతో మంచి గుర్తింపు సంపాదించుకున్న అనసూయ సినిమా ఇండస్ట్రీలో చిన్న చిన్న పాత్రలలో నటిస్తూ వెండితెర ప్రేక్షకులను కూడా సందడి చేసింది. ఇకపోతే ఈమె రామ్ చరణ్ నటించిన రంగస్థలం సినిమాలో రంగమ్మత్త పాత్ర ద్వారా ప్రేక్షకులను పెద్ద ఎత్తున సందడి చేసింది.ఈ పాత్రతో ఎంతో మంచి గుర్తింపు పొందిన అనసూయకు వరుస సినిమా అవకాశాలు వచ్చాయి.
ప్రస్తుతం ఈమె అరడజనుకు పైగా సినిమాలలో నటిస్తూ ఎంతో బిజీగా ఉన్నారు.ఇదిలా ఉండగా మొదటిసారిగా అనసూయ యాక్షన్ సన్నివేశాలలో నటించిన దర్జా అనే సినిమా త్వరలోనే ప్రేక్షకుల ముందుకు రాబోతుంది ఈ క్రమంలోని ఈ సినిమా ప్రీ రిలీజ్ వేడుకను ఎంతో ఘనంగా నిర్వహించారు. ఇక ఈ ఫ్రీ రిలీజ్ వేడుకలో భాగంగా అనసూయ పాల్గొని పెద్ద ఎత్తున సందడి చేశారు.
ఈ సందర్భంగా ఆమె మాట్లాడుతూ ఈ సినిమా ప్రమోషన్ కార్యక్రమాలలో పాల్గొనలేక పోయినందుకు చిత్ర బృందం తనని క్షమించాలంటూ అందరికీ క్షమాపణలు చెప్పారు.ఇక ఈ సినిమాలో మొదటిసారి తను యాక్షన్ సన్నివేశాలలో నటించానని అనసూయ వెల్లడించారు. ఏకంగా చీరకట్టులో యాక్షన్ సన్నివేశాలు చేయించారని ఈమె తెలిపారు. ఎంతో విభిన్నమైన అద్భుతమైన కథతో తెరకెక్కిన ఈ సినిమాలో నటించే అవకాశం కల్పించినందుకు పిఎస్‌ఎస్‌ ఎంటర్‌టైన్‌మెంట్స్‌ బ్యానర్ కి కృతజ్ఞతలని వెల్లడించారు.
మాస్ డైలాగ్ తో అంచనాలు పెంచిన అనసూయ…
ఇక ఈ సినిమాలో తన పాత్ర ఎలా ఉండబోతుందో అనసూయ ఒక మాస్ యాక్షన్ డైలాగుతో చెప్పేశారు.ఈ సందర్భంగా ఈమె ఈ సినిమాలో డైలాగ్ చెబుతూ నువ్వు బెదిరిస్తే భయపడటానికి ఇంట్లో కూర్చునే ఆడదాన్ని అనుకున్నావ్ రా… చీల్చి చెండాడేస్తా నా కొడకా అంటూ ఈ సినిమాలో డైలాగ్ ఎంతో దర్జాగా చెప్పేశారు. ఈ సందర్భంగా అనసూయ చెప్పిన ఈ డైలాగ్ చూస్తుంటేనే ఈమె పాత్ర ఎలా ఉండబోతుందో అర్థమవుతుంది. ఇలా అనసూయ మాటలతో సినిమాపై మరిన్ని అంచనాలు పెరిగాయి. ఇక ఈ సినిమా ఎన్నో అంచనాల నడుమ జూలై 22వ తేదీ ప్రేక్షకుల ముందుకు రాబోతోంది.
Koushal: రెండు తెలుగు రాష్ట్రాల్లో బిగ్ బాస్ రియాల్టీ షో ఎంత పెద్ద హిట్ అయిందో ప్రత్యేకంగా చెప్పాల్సిన అవసరం లేదు. ఇక అందులో పాల్గొన్న కంటెస్టెంట్లకు అయితే ఎనలేని ఫ్యాన్ ఫాలోయింగ్ వచ్చింది. ఈ షో ఎంత ఎంటర్ టైన్ మెంట్ అందిస్తుందో.. అంత కంటే ఎక్కువగా వివాదాలకు కేరాఫ్ అడ్రస్ గా మారిపోతోంది.
Koushal: సునీల్ ప్లే బాయ్.. ఉదయం ఒకరితో సాయింత్రం ఒకరితో అంటూ అసలు గుట్టువిప్పిన కౌశల్ మండా!
ఇక బిగ్ బాస్ సీజన్ 2 విన్నర్ కౌశల్ పేరు అదిరికీ సుపరిచితమే. హౌస్ లో ఉండగా తన కోసం బయట ప్రత్యేక ఆర్మీని సిద్ధం చేశాడు. హౌస్ లో ఎమోషన్స్, రిలేషన్స్ కి దూరంగా ఉంటూ, గేమ్ ని గేమ్ లా ఆడి టైటిల్ గెలుచుకున్నాడు కౌశల్. ఫైనల్ లో సింగర్ గీతా మాధురితో కౌశల్ పోటీపడి టైటిల్ అందుకోవడం తెలిసిందే. అనేక సినిమాలు, సీరియల్స్ లో నటించినా రాని గుర్తింపు బిగ్ బాస్ షో ద్వారా రాబట్టాడు కౌశల్.
Koushal: సునీల్ ప్లే బాయ్.. ఉదయం ఒకరితో సాయింత్రం ఒకరితో అంటూ అసలు గుట్టువిప్పిన కౌశల్ మండా!
ఇక ఇటీవల కౌశల్ ఓ ఇంటర్వ్యూలో ఆసక్తికరమైన విషయాలను పంచుకున్నాడు. బిగ్ బాస్ కు వెళ్లకముందు ఎలా ఉన్నానో.. వెల్లి వచ్చిన తర్వాత కూడా తన జీవితం అలానే ఉందని.. ఏనాడు తనకి ఛాన్స్ లు కావాలని ఎవరినీ అడుక్కోలేదన్నారు. తనకే ఫోన్ చేసి.. ఛాన్స్ ఉంది రమ్మంటే వెళ్లేవాడిని అంటూ చెప్పాడు. తనకు ఆఫర్స్ లేకపోయినా.. ప్రోడక్షన్ పనుల్లో బిజీగా ఉన్నాన్నాడు.
ఇక వాళ్ల మదర్ గురించి మాట్లాడుతూ.. తన అమ్మకు క్యాన్సర్ ఉన్న సమయంలో ఆసుపత్రిలో వైద్యం కోసం తాను ఓ సినిమాను ఒప్పుకున్నానని.. దానికి తాను రూ.50 వేలు పారితోషికం తీసుకున్నాన్నాడు. కానీ ప్రేక్షకులు ఆ సినిమాను నెగెటివ్ వేలో తీసుకన్నారని.. కొన్నాళ్ల తర్వాత అటువంటి సినిమాలకు దూరంగా ఉంటూ.. ప్రస్తుతం ప్రేక్షకులకు నచ్చే విధంగా సినిమాల్లో , సీరియళ్లలో నటిస్తున్నట్లు పేర్కొన్నాడు. తన జీవితంలో ఉదయ్ కిరణ్ ని ఎన్నడూ మర్చిపోలేనని.. తన పుట్టిన రోజు, డెత్ యానివర్సరీ రోజున తాను సోషల్ మీడియాలో పోస్టులు పెడుతుంటానన్నారు. తాజాగా అతడు నటించిన ‘‘అతడు ఆమె ప్రియుడు’’ సినిమా గురించి చెప్పుకొచ్చాడు. అందులో తన క్యారెక్టర్ రైటర్ గా ఉంటుందని అన్నాడు. ఈ సినిమాలో సునీల్ పాత్రని అందరూ ఇష్టపడతారని.. పాత కమెడియన్ సునీల్ ను ఇందులో చూస్తారన్నారు. అతడి క్యారెక్టర్ ప్లే బాయ్ లా ఉంటుందని.. ఉదయం ఒక అమ్మాయి.. మధ్యాహ్నం, రాత్రి ఒక అమ్మాయితో ఫుల్ గా ఎంజాయ్ చేసే క్యారెక్టర్ సునీల్ ది అంటూ చెప్పుకొచ్చాడు. ఈ సినిమా ప్రతీ ఒక్కరికీ నచ్చుతుందన్నారు.
తెలుగు యాక్టర్ సునీల్ వర్మ.. పాపే నా ప్రాణం సినిమాలో వెయిటర్ గా ఒక చిన్న పాత్రలో టాలీవుడ్ లో అడుగు పెట్టాడు. తర్వాత చేసిన ప్రతీ సినిమాలో కమెడియన్ గా దూసుకుపోయాడు.తర్వాత అందాల రాముడు సినిమాతో హీరోగా తనదైన శైలిలో మెప్పించాడు. ఈ సినిమా తర్వాత రాజమౌళి దర్శకత్వంలో మర్యాద రామన్న సినిమాలో హీరోగా చేశాడు.
Sunil: సునీల్ అంతమాట అనేశాడేంటి.. మహేష్ ను ‘గొడ్డు’తో పోల్చిన సునీల్..!
తర్వాత అతడు కామెడీకి ఫుల్ స్టాప్ పెట్టేసి.. హీరోగానే సినిమాలు చేస్తూ.. వచ్చాడు. ఈ రెండు సినిమాల తర్వాత అతడికి ఏ సినిమా పెద్దగా హిట్ కాలేదు. ఇక తర్వాత మళ్లీ కామెడీ వైపు మళ్లాడు. అయినా సక్సెస్ కాలేదు. చివరకు విలన్ క్యారెక్టర్స్ చేస్తూ ముందుకు సాగుతున్నాడు. తాజాగా అతడు విలన్ గా నటించిన సినిమా పుష్ప.
Sunil: సునీల్ అంతమాట అనేశాడేంటి.. మహేష్ ను ‘గొడ్డు’తో పోల్చిన సునీల్..!
పుష్పలో అతడు మంగళం శ్రీనుగా నటించి తనకంటూ మంచి గుర్తింపు తెచ్చుకున్నాడు. విమర్శకుల నుంచి సైతం ప్రశంసలు పొందాడు. ఏ క్యారెక్టర్ ఇచ్చినా సునీల్ చేయగలడనే నమ్మకాన్ని తీసుకొచ్చాడు. ఈ చిత్రం ప్రమోషన్లో భాగంగా అతడు సూపర్ స్టార్ మహేష్ బాబుపై తనకున్న అభిప్రాయాన్ని పంచుకోగా.. ఈ క్లిప్ ను అభిమానులు సోషల్ మీడియాలో వైరల్ చేస్తున్నారు. పోల్చడానికి ‘గొడ్డు’తో పోల్చినా.. అది మహేష్ పడే కష్టానికి ప్రతీకగా నిలవడంతో.. సునీల్ పోలిక సూపర్ స్టార్ ఫ్యాన్స్ ను ఫిదా చేసింది.
ప్రిన్స్ మహేష్ బాబు చూడటానికి జేమ్స్ బాండ్ లా ఉన్నా.. విపరీతమైన(గొడ్డు) కష్టం పడతాడని.. ఇక ఫైట్లలో అయితే.. నాలుగు ఫ్లోర్స్ లో రోప్ లు వేలాడదీస్తారు.. ఇక ఆ తర్వాత గొడ్డు కష్టం పడతాడని.. అది అయ్యే దాక వదిలిపెట్డడని.. మహేష్ పడే కష్టం గురించి చెప్పాడు. అతడిలో తనకు నచ్చే గుణం అదే అంటూ చెప్పుకొచ్చాడు. ఇక సర్కారు వారి పాట సినిమాకు సంబంధించి అప్ డేట్స్ లేక విలవిల్లాడుతున్న మహేష్ ఫ్యాన్స్ కు సునీల్ వ్యాఖ్యలు కాస్త ఉత్సాహాన్ని ఇచ్చాయనే చెప్పాలి.
పుష్ప చాలా అంచనాల మధ్య నిన్నినే విడుదలైంది. ఐకాన్ స్టార్ అల్లు అర్జున్, క్రియేటివ్ డైరెక్టర్ సుకుమార్ కాంబినేషన్ వచ్చి భారీ మాస్ మసాల మూవీ. రంగస్థలం సక్సెస్ తరువాత సుకుమార్, అల వైకుంఠపురం తరువాత బన్నీ చేస్తున్న మూవీ కావడంతో పుష్ప సినిమాపై భారీ అంచనాలు నెలకొన్నాయి. దీనికి అనుగుణంగానే మూవీ రిలీజ్ కు ముందే సినిమా బిజినెస్ కూడా బాగా నడిచింది.
అయితే పుష్ఫ అనుకున్నంత అంచనాలను అందుకోలేకపోయిందని తెలుస్తోంది. యావరేజ్ టాక్ వచ్చినా.. కలెక్షన్ల విషయంలో మాత్రం తగ్గేదే లేదని అంటోంది. ముఖ్యంగా చాలా వైవిధ్యంగా ఉంటుందనుకున్న సునీల్ మంగళం శ్రీను పాత్ర అనుకున్నంత స్థాయిలో లేదని ప్రేక్షకులు పెదవి విరుస్తున్నారు. ఎంత శ్రద్ద పెట్టి క్యారెక్టర్ చేసినా.. సునీల్ విలనీజంలో కామెడి తాలూకు ఛాయలే కనిపించాయని సగటు ఆడియన్స్ అనుకుంటున్నారు. విలన్ అవుదాం అనుకుని ఇండస్ట్రీకి వచ్చిన సునీల్ కు.. చాలా రోజుల తరువాత పుష్ఫ సినిమాలో పర్పెక్ట్ క్యారెక్టర్ పడిందనుకున్నారు జనాలు.
అయితే సినిమాలో చూస్తే సునీల్ క్యారెక్టరైజేషన్ తేలిపోయింది. ముందుగా కమెడియన్ గా ఉన్న సునీల్ ను విలన్ పాత్రలో ఊహించుకోలేకపోయారు ప్రేక్షకులు. ఇక్కడే ముందుగా సునీల్ విలనిజంపై దెబ్బపడింది. సుకుమార్ మాత్రం మంగళం శ్రీను పాత్రకు సునీల్ కరెక్ట్ అనుకున్నప్పటికీ సినిమాలో మాత్రం కొన్ని సన్నివేశాల్లో కమెడియన్ కనిపించాడని అంటున్నారు. సునీల్ ను క్రూరమైన విలన్ గా చూపిద్దాం అని అనుకున్నా… సినిమాలో ఆరేంజ్ లో సునీల్ క్యారెక్టర్ లేదని తెలుస్తోంది.
ముఖ్యంగా ఎర్రచందనం సిండికేట్ లీడర్ గా పుష్ప రాజ్ ను చేసినప్పుడు.. మంగళం శ్రీను తన బావమరిది శవం పెట్టె మీదే తను ఉన్నాడని తెలిసినప్పడు.. సునీల్ ఇచ్చిన ఎక్స్ ప్రెషన్స్ తనలో విలన్ కన్నా కమెడియన్ నే ఎక్కువగా చూపించాయని సగటు ప్రేక్షకుడు భావిస్తున్నాడు. ఇంతకుముందు కలర్ ఫోటో సినిమాలో సునీల్ ను విలన్ గా చూపించినప్పుడు.. విలన్ క్యారెక్టర్ కు బాగా న్యాయం చేశాడని ఆడియన్స్ అనుకున్నారు. అయితే మంగళం శ్రీను పాత్రలో మాత్రం సునీల్ విఫలమయ్యాడని తెలుస్తోంది. అనవసరంగా సునీల్ ఈ పాత్రను చేసి బ్లేమ్ అయ్యాడని ప్రేక్షకులు అనుకుంటున్నారు.
భారీ అంచానాల మధ్య రిలీజ్ అయిన పుష్ప మూవీ నిన్ననే విడుదలైంది. అల్లు అర్జున్, సుకుమార్ కాంబినేషన్ కావడంతో… అలవైకుంఠపురం వంటి సూపర్ హిట్ ఇచ్చిన తర్వాత వస్తున్న సినిమా కావడంతో సహజంగానే ఈ సినిమాపై భారీగా క్రేజ్ ఏర్పడింది. అయితే సినిమా ప్రారంభమైనప్పట నుంచి సునీల్ క్యారెక్టరైజేషన్ ఎలా ఉంటుందో అని ప్రేక్షకుల్లో ఆసక్తి ఏర్పడింది.
మంగళం సీను వంటి విలన్ పాత్రలో సునిల్ మొదటిసారిగా చేస్తుండటంతో ప్రేక్షకుల్లో అంచనాలు ఏర్పడ్డాయి. డిఫరెంట్ గెటప్ తో క్రూరంగా కనిపిస్తుండటంతో ఈ పాత్ర ఎలా ఉంటుందో అని ముందు నుంచే ఇంట్రెస్ట్ నెలకొంది. మంగళం శ్రీను పాత్రలో ఎర్రచందనం స్మగ్లర్ల సిండికేట్ నాయకుడిగా సునీల్ నటించారు. సునీల్ కు భార్యగా ద్రాక్షాయణి పాత్రలో హాట్ యాంకర్ అనసూయ నటించింది. వీరిద్దరి గెటప్ లు సినిమాపై బజ్ ను మరింత పెంచాయి.
అయితే మంగళం శ్రీను పాత్ర సినిమాలో పెద్దగా పేలలేదని అభిమానులు అనుకుంటున్నారు. విలన్ గా సునీల్ ఒకే కానీ.. భయపెట్టలేదనే అభిప్రాయం వ్యక్తం అవుతోంది. ఇంటర్వెల్ ముందు వచ్చే సమంత ఐటెం సాంగ్.. మంగళం శ్రీను అడ్డాలోనే జరుగుతుంది. దీని తర్వాత మంగళం శ్రీనుకు పుష్ప వార్నింగ్ ఇచ్చే సీన్ ఉంటుంది. సినిమాలో సునీల్ మంగళం శ్రీను పాత్ర చాలా ప్రాధాన్యం ఉన్నదే. పుష్ప మంగళంశ్రీనును ఎలా ఎదుర్కొన్నాడనేది తెరపైనే చూడాలి. ఇక మరోవైపు ద్రాక్షాయణిగా అనసూయ క్యారెక్టర్ కూడా అనుకున్నంత గొప్పగా లేదని తెలుస్తోంది. అయితే ఈ క్యారెక్టర్ కు మాత్రం ఓ ట్విస్ట్ ఉంటుంది.
సినిమా రిలీజ్ కు ముందు మంగళం శ్రీను క్యారెక్టర్ పై సునీల్ చాలా గొప్పగా చెప్పారు. విలన్ కావాలని సినిమా ఇండస్ట్రీకి వచ్చానని.. ఇప్పటికి తన కోరిక తీరిందన్నాడు. మంగళం శ్రీను క్యారెక్టర్ కోసం పదేళ్లు పెద్ద వ్యక్తిగా కనిపించానని చెప్పుకొచ్చారు. సుకుమార్ కరోనా టైంలోనే ఈ క్యారెక్టర్ గురించి చెప్పారని తెలిపారు. ఈ పాత్రను ఛాలెంజింగ్ గా తీసుకుని నటించానని అన్నారు. ఇతర భాషల్లో కూడా మంచి అవకాశం వస్తే నటిస్తానని అన్నాడు.
పాన్ ఇండియా సినిమాగా రూపొందిన పుష్ప కోసం ప్యాన్స్ ఈగర్ గా వేయిట్ చేస్తున్నారు. అల్లు అర్జున్, సుకుమార్ కాంబినేషన్ లో వస్తున్న మూడో సినిమా కావడంతో అభిమానుల్లో అంచనాలు విపరీతంగా పెరిగిపోయాయి. మరోవైపు రష్మికా మందన్నా.. విలన్ గా ఫహాద్ ఫాజిల్ వంటి నటులు కూడా ఉండటంతో అంచనాలు పీక్స్ కు వెళ్లాయి.
తెలుగు, తమిళ, మళయాళ, కన్నడ, హిందీ భాషల్లో రూపొందుతున్న ఈ సినిమా ట్రైలర్ అభిమానులను విశేషంగా ఆకర్షిస్తోంది. ముఖ్యంగా దేవీ శ్రీ ప్రసాద్ మ్యూజిక్ మ్యాజిక్ చేసిందని చెప్పవచ్చు. అయితే ఇందులో ముఖ్యమైన పాత్రలో, నెగిటివ్ షేడ్స్ ఉన్న క్యారెక్టర్ లో నటిస్తున్న సునీల్ యాక్టింగ్ తో ఇరగదీశాడని తెలుస్తోంది. స్వయంగా బన్నీనే సునీల్ యాక్టింగ్ కు ఫిదా అయ్యాడట.
ఇటీవల డబ్బింగ్ చెప్పడానికి వెళ్లిన బన్నీ.. సునీల్ డబ్బింగ్ చెప్పిన సన్నివేశాలు చూసి ఒకింత షాక్ కి గురయ్యాడట.. ఏమిటీ ఈ యాక్టింగ్ అంటూ సునీల్ గురించి డైరెక్టర్ సుకుమార్ దగ్గర ప్రస్తావించాడు అల్లు అర్జున్. కమెడియన్ నుంచి హీరోగా మారిన సునీల్ ప్రస్తుతం విలక్షణ పాత్రల్లో కనిపిస్తున్నాడు. కలర్ ఫోటో, పుష్ఫక విమానం సినిమాల్లో విభిన్న పాత్రల్లో కనిపించాడు.
కలర్ ఫోటో తర్వాత.. పుష్ప సినిమాలో నెగిటివ్ షెడ్స్ ఉన్న పాత్రలో కనిపిస్తున్నాడు. పుష్ప సినిమాలో సునీల్ గెటప్ చూస్తేనే తెలుస్తోంది. ఈ పాత్ర ఏంత ప్రభావితంగా ఉంటుందో అని.. పైగా బన్నీ కాంప్లిమెంట్స్ కూడా సునీల్ యాక్టింగ్ గురించి తెలుపుతున్నాయి. సినిమా విడుదల తర్వాత సునీల్ క్యారెక్టర్పై మరిన్ని ప్రశంసలు వచ్చే అవకాశం ఉంది. సినిమా ట్రైలర్ లో సునిల్ చెప్పిన ‘కట్టమీట్ట ద కూసుని కూతలు కూసేదాంట్లో ఏముంటది కానీ.. నీళ్ళలోకి దిగితే తెలుసిద్దబ్బా లోతు’ అంటూ చెప్పిన డైలాగ్ అభిమానుల్లో సునీల్ క్యారెక్టర్ పై మరిన్ని అంచనాలను పెంచింది.
రెండు, మూడు రోజులు షూటింగ్ చేశాక, ఆ తర్వాత ఏమైందో తెలియదు గానీ, డబ్బింగ్‌కి కూడా తనని పిలవలేదని ప్రముఖ నటి జయవాణి తెలిపారు. అది అందరివాడు సినిమా అన్న ఆమె, ఒకవేళ ఆ సీన్ ఆ సినిమాలో అన్‌వాంటెడ్‌ అని తీసేసి ఉంటారేమో అని ఆమె సందేహం వ్యక్తం చేశారు. అంతేకాకుండా ఆ సినిమాలో చేసినందుకు గానూ కనీసం డబ్బులు కూడా రాలేదని ఆమె అన్నారు.
ఇలా సినిమాలో యాక్ట్‌ చేసి, తర్వాత కొన్నింటికి డబ్బులు కూడా రావని, దానికి చాలా కారణాలుంటాయని ఆమె చెప్పుకొచ్చారు. అక్కడ ప్రొడ్యూసర్స్ ఇవ్వలేదా ? లేదంటే మేనేజర్స్ ఇవ్వలేదా ? లేదా ఇంకేదైనా కారణమై ఉండొచ్చని జయవాణి తెలిపారు. ఇంకా అదీ కాదంటే ప్రొడక్షన్‌ వాళ్లకే ఏదైనా ఇబ్బందులు ఉండొచ్చు అని ఆమె అన్నారు. కొందరైతే తనకు ఫోన్ చేసి ఈ సీన్‌కి మీకు డబ్బులు ఇవ్వలేకపోతున్నాము అంటే, ఓకే సర్ అని డబ్బింగ్ కూడా చెప్పి వస్తూండేదాన్ని అని ఆమె స్పష్టం చేశారు.
తనకు అలా డబ్బు ఇవ్వమని చెప్పిన సినిమాలు తనకు చాలా మిస్సయ్యాయని ఆమె వివరించారు. కానీ దాని గురించి తనకు అంత ఇబ్బందేం అనిపించేది కాదని ఆమె చెప్పారు. తానెప్పుడూ డబ్బుల గురించి గానీ, ఇంకే విషయానికి గానీ తాను ఎవ్వరితోనూ గొడవ పడడం అలాంటివేం చేయలేదని ఆమె స్పష్టం చేశారు.
ఇలా తానే అర్థం చేసుకుని అక్కడినుంచి వెళ్లిపోయేదాన్ని ఆమె చెప్పారు. వీలైతే తరువాతి సినిమాలో మీ బ్యానర్‌లో ఏమైనా సినిమా తీస్తే మాత్రం తనకు అవకాశం ఇవ్వండని మాత్రం చెప్పేదాన్నంటూ ఆమె అన్నారు. అలాగే ఆంధ్రుడు సినిమాలో కూడా నేను సునీల్‌తో చేసిన సీన్లు అన్నీ తీసేశారని ఆమె ఆవేదన వ్యక్తం చేశారు.
నటుడిగా తెలుగు సినిమా ఇండస్ట్రీలో ఎంతో పేరు ప్రఖ్యాతలు సంపాదించుకున్న హీరో రాజశేఖర్ గురించి ప్రత్యేకంగా చెప్పాల్సిన పనిలేదు. గతంలో ఎన్నో కుటుంబ కథా చిత్రాలలో నటించిన రాజశేఖర్ ఫ్యామిలీ హీరోగా ఎంతోమంది ఆదరాభిమానాలను పొందారు.గతంలో మెగాస్టార్ చిరంజీవికి పోటీగా సినిమాలు తీస్తూ స్టార్ హీరోగా గుర్తింపు సంపాదించుకున్నారు.
ఇలా ఇండస్ట్రీలో తనకంటూ ఓ ప్రత్యేకమైన గుర్తింపు సంపాదించుకున్న హీరో రాజశేఖర్ కు మెల్లిమెల్లిగా అవకాశాలు రావడం తగ్గిపోయాయి. దీంతో పలు అడపాదడపా సినిమాల్లో నటిస్తున్న పెద్దగా గుర్తింపు రాలేదని చెప్పాలి. ఈ క్రమంలోనే ప్రవీణ్ సత్తారు దర్శకత్వంలో తెరకెక్కిన గరుడవేగ మరోసారి రాజశేఖర్ కు బ్లాక్ బస్టర్ అందించింది.
ఇలాహీరోగా సినిమాలో నటించడమే కాకుండా వృత్తిపరంగా రాజశేఖర్ ఒక మంచి డాక్టర్ అనే విషయం అందరికీ తెలిసిందే. ఈయన హస్తవాసి బాగుంటుందని ఎంతో మంది సినీ ప్రముఖులు ఆయన దగ్గర వైద్యం చేయించుకునే వారు. ఈ క్రమంలోని కమెడియన్ సునీల్ ఒక సందర్భంలో రాజశేఖర్ గురించి మాట్లాడుతూ ఎమోషనల్ అయ్యారు.
రాజశేఖర్ గురించి మాట్లాడుతూ తాను వ్యక్తిగతంగా రాజశేఖర్ కి మంచి అభిమానినని సునీల్ తెలియజేశారు. ఒకానొక సమయంలో తన కూతురికి తీవ్ర అనారోగ్యం చేయటంతో కష్టమని ఎంతో మంది వైద్యులు చెప్పారు. అయితే రాజశేఖర్ వైద్యం చేసి తన కూతురు ప్రాణాలను కాపాడాడని సునీల్ రాజశేఖర్ గురించి చెబుతూ ఎమోషనల్ అయ్యారు.ఇక సినిమాల విషయానికొస్తే రాజశేఖర్ ప్రస్తుతం తన సొంత నిర్మాణంలోనే పలు చిత్రాలలో నటిస్తున్నారు.అలాగే తన కూతురు కూడా ఇండస్ట్రీలోకి ఎంట్రీ ఇచ్చి పలు సినిమాలలో నటిస్తున్న సంగతి తెలిసిందే.
తెలుగు సినీ పరిశ్రమలో కమెడియన్ గా తన కెరీర్ ను మొదలు పెట్టిన సునీల్ తర్వాత హీరోగా తన సత్తా కూడా నిరూపించుకున్నాడు. హీరోగా కొన్ని సినిమాలు తీసిన తర్వాత ఆఫర్లు రావడం తగ్గాయి. తర్వాత సినిమాల్లో ఫుల్ కమెడియన్ గా కాకుండా అడపా దడఫా పాత్రలు వేస్తూ వస్తున్నాడు. ఇటీవల విడుదల అయిన కనపడుటలేదు సినిమాలో డిటెక్టివ్ గా తన పాత్రకు న్యాయం చేశారు.
అయితే తర్వాత ఇటీవల హెడ్ అండ్ టైల్ చిత్రంలో కూడా ముగ్గురు అమ్మాయిల జీవితంలో జరిగే కథాంశాం అంధారంగా వచ్చింది ఈ సినిమా. దీనిలో కూడా అతడు ప్రధాన పాత్రలో నటించి అలరించాడు. అతడు విలన్ గా కూడా తన అదృష్టం పరీక్షించుకుంటున్నాడు. రవితేజ హీరోగా నటించిన డిస్కో రాజా సినిమాలో విలన్ గా తనదైన శైలిలో నటించి మెప్పించారు.
ఇప్పుడు విలన్ పాత్రలో అతడు బన్నీ హీరోగా రాబోతున్న పుష్పలో నటిస్తున్నాడు. దీనిలో సునీల్ మంగళం శ్రీను లుక్ కు సంబంధించి పోస్టర్ విడుదల చేశారు. అది చూసిన నెటిజన్లు ఫిదా అయిపోతున్నారు. పుష్ప సినిమా విడుద‌లైన తర్వాత సునీల్ మోస్ట్ వాంటెడ్ విలన్ అయిపోతాడు అన‌డంలో ఎలాంటి సందేహం లేదు. అంత ప‌క‌డ్బందీగా, క్రూరంగా సునీల్ పాత్రను చిత్రీక‌రిస్తున్నాడు సుకుమార్.
అతడు హీరోకు ఫ్రెండ్ గా ఉండి వెన్నుపోటు పొడిచే ఎపిసోడ్ అదిరిపోతుందని ప్రచారం సాగుతోంది. అయితే ఈ సినిమా రెండు భాగాలుగా వస్తున్న విషయం తెలిసిందే. రూ. 100 కోట్ల బడ్జెట్ తో తెరకెక్కిస్తున్న ఈ సినిమా లో సునీల్ రెమ్యూనరేషన్ ఎంతో తెలుసా.. రూ.80లక్షలు. సునీల్ భార్యగా దీనిలో అనసూయ నటిస్తున్నట్లు సమాచారం. ప్రస్తుతం సునీల్ రెమ్యూనరేషన్ కు సంబంధించి వార్త సోషల్ మీడియలో వైరల్ అవుతోంది.
Top Telugu website in the world | Telugu Gossips | Breaking News Headlines, Latest Andhra News, Telangana News, India News, World News – Telugudesk.net
