Taapsee: ఝుమ్మందినాదం సినిమాతో తెలుగు ప్రేక్షకులకు పరిచయమైన సొట్ట బుగ్గల చిన్నది తాప్సి తెలుగులో పలు చిత్రాలలో నటించి మెప్పించిన ఈ ముద్దుగుమ్మ బాలీవుడ్ ఇండస్ట్రీలో ఎంతో మంచి క్రేజ్ తెచ్చుకుంది. ఇలా బాలీవుడ్ ఇండస్ట్రీలో వరుస సినిమాలతో ఎంతో బిజీగా ఉండే ఈమె తిరిగి తెలుగు ప్రేక్షకులను సందడి చేయడానికి సిద్ధమైంది.
స్వరూప్ దర్శకత్వంలో మ్యాట్నీ ఎంటర్టైన్మెంట్స్ బ్యానర్ మీద నిరంజన్ రెడ్డి, అన్వేష్ రెడ్డి ఎంతో ప్రతిష్టాత్మకంగా నిర్మిస్తున్న చిత్రం మిషన్ ఇంపాజిబుల్. ఈ సినిమా ఏప్రిల్ ఒకటవ తేదీన ప్రేక్షకుల ముందుకు రాబోతోంది. ఈ క్రమంలోనే పెద్దఎత్తున సినిమా ప్రమోషన్ కార్యక్రమాలను వేగవంతం చేశారు.
లేకపోతే ఈ సినిమా ప్రీ రిలీజ్ వేడుకలు మార్చి 30వ తేదీ హైదరాబాద్ లో ఘనంగా నిర్వహించారు. ఇక ఈ సినిమా నిర్మాత నిరంజన్ రెడ్డికి, మెగాస్టార్ చిరంజీవికి మధ్య ఎంతో మంచి అనుబంధం ఉంది. మెగాస్టార్ నటిస్తున్న ఆచార్య సినిమాకి కూడా నిరంజన్ రెడ్డి నిర్మాతగా వ్యవహరిస్తున్నారు. ఈ క్రమంలోనే మిషన్ ఇంపాజిబుల్ ప్రీ రిలీజ్ వేడుకకు మెగాస్టార్ ముఖ్య అతిథిగా హాజరయ్యారు.
సంతోషంలో తాప్సీ….
ఇక ఈ కార్యక్రమానికి మెగాస్టార్ చిరంజీవి రావడంతో తాప్సి చిన్న పిల్లగా మారిపోయి పెద్ద ఎత్తున సందడి చేసింది. మెగాస్టార్ రావడంతో తన ఆనందానికి అవధులు లేకుండా పోయాయి.ఈక్రమంలోనే ఒక్కసారిగా మెగాస్టార్ చిరంజీవిని చూసిన తాప్సీ వెంటనే అతనిని హగ్ చేసుకొని సంతోషం వ్యక్తం చేయడమే కాకుండా మెగాస్టార్ చిరంజీవితో కలిసి పలు విషయాల గురించే తాప్సి ముచ్చటించారు.ఇలా వీరిద్దరినీ ఒకే ఫ్రేమ్లో చూడటంతో అభిమానులు సైతం సంతోషం వ్యక్తం చేస్తున్నారు. ఇక ఈమె ఈ సినిమా గురించి వేదికపై మాట్లాడుతూ పలు ఆసక్తికరమైన విషయాలను వెల్లడించారు.
