Tarakaratna Friend Suresh : నందమూరి తారకరత్న పొలిటికల్ గా ఎంట్రీ ఇచ్చి తాత పెట్టిన పార్టీ తరుపున ప్రజలకు సేవ చేయాలని భావించి టీడీపీ లో క్రియాశీలకంగా ఈ మధ్యకాలంలో వ్యవహారిస్తున్న తారకరత్న అనుకోకుండా గుండెపోటుతో నారాయణ హృదయాలయలో చికిత్స అందుకుంటూ మరణించారు. ఇక ఆయన మరణం అనంతరం ఆయన గురించిన ఎన్నో విషయాలు తెలుస్తున్నాయి. కుటుంబానికి ఆయన ఇచ్చే విలువ, అలాగే అందరితోనూ కలిసిపోయే ఆయన మనస్తత్వం గురించి ఆయన స్నేహితుడు సురేష్ తాజాగా ఒక ఇంటర్వ్యూలో పంచుకున్నారు.
జూనియర్ ఎన్టీఆర్ అంటే ఇష్టం…
తారకరత్న మొదటి నుండి అందరితోనూ కుటుంబంలో కలిసి ఉండాలి అనే మనస్తత్వం కలిగి ఉండేవాడంటూ ఆయన స్నేహితుడు సురేష్ తెలిపారు. ఎన్టీఆర్ కి పోటీగా తారక రత్నను సినిమాల్లోకి వదిలారంటూ అప్పట్లో వచ్చిన వార్తల నేపథ్యంలో అసలు తారకరత్న అలా పోటీగా సినిమాల్లోకి రాలేదని, తనకు సినిమాల మీద ఇష్టంతోనే వచ్చాడంటూ చెప్పారు.
ఇక తనకు జూనియర్ ఎన్టీఆర్ అన్నా బాగా ఇష్టమని, ఎపుడైనా కలిస్తే ఇద్దరూ బాగా మాట్లాడుకుంటారుంటూ అన్నదమ్ముల అనుబంధం బాగుంటుంది అంటూ చెప్పారు సురేష్. ఇక తారకరత్న కు పెళ్లి తరువాత ఇబ్బందులు పడుతున్న సమయంలోనూ తారక్ ఆర్థికంగా సహాయం చేశాడంటూ చెప్పారు.
