Temper Movie: టెంపర్ సినిమాలో నటించాల్సింది ఎన్టీఆర్ కాదు.. మెహర్ రమేష్ కామెంట్స్ వైరల్!

Temper Movie: పూరి జగన్నాథ్ డైరెక్షన్ లో ఎన్టీఆర్ కాజల్ అగర్వాల్ హీరో హీరోయిన్లుగా నటించిన చిత్రం టెంపర్. ఈ సినిమా కథకు ఎన్టీఆర్ నటన అన్ని ఎంతో అద్భుతంగా ఉండి ఈ సినిమా మంచి సక్సెస్ టాక్ సొంతం చేసుకుంది. ఇలా ఈ సినిమాకి సక్సెస్ టాక్ వచ్చినప్పటికీ కమర్షియల్ గా పెద్దగా సక్సెస్ కాలేకపోయింది. ఈ విధంగా ఎన్టీఆర్ పూరి కాంబినేషన్లో వచ్చిన టెంపర్ సినిమా గురించి తాజాగా డైరెక్టర్ మెహర్ రమేష్ ఒక ఇంటర్వ్యూలో పాల్గొని షాకింగ్ కామెంట్స్ చేశారు.

ఈ సందర్భంగా ఈయన మాట్లాడుతూ వక్కంతం వంశీ కథ సిద్ధం చేసిన తర్వాత మొదటిసారి టెంపర్ సినిమా కథను తనకు వినిపించారని ఈ సినిమాకి పవర్ అనే టైటిల్ కూడా రిజిస్టర్ చేయించామని మెహర్ రమేష్ వెల్లడించారు.ఇక ఈ సినిమాలో రవితేజ హీరోగా అయితే అద్భుతంగా ఉంటుందని భావించాము. అయితే సినిమా కథను రవితేజకు వినిపించగా రవితేజకు కథ నచ్చకపోవడంతో ఈ సినిమాని వదులుకున్నారు.

ఇకపోతే ఈ సినిమా వక్కంతం వంశీ ఎన్టీఆర్ కు వినిపించారు.ఈ స్క్రిప్ట్ విన్న ఎన్టీఆర్ పూరి టేకింగ్ అయితే అద్భుతంగా ఉంటుందన్న ఉద్దేశంతో పూరి జగన్నాథ్ ను దర్శకుడిగా తీసుకున్నారు.ఇక ఈ సినిమాకు టెంపర్ అనే టైటిల్ ఫిక్స్ చేసి ఈ సినిమాని ప్రేక్షకుల ముందుకు తీసుకువచ్చారని మెహర్ రమేష్ వెల్లడించారు.

Temper Movie: స్క్రిప్ట్ నచ్చక రిజెక్ట్ చేసిన హీరో..

ఈ విధంగా రవితేజ నేను ఇద్దరం కలిసి చేయాల్సిన టెంపర్ సినిమా ఎన్టీఆర్ పూరి జగన్నాథ్ తీశారని, రవితేజ కనుక ఈ సినిమాకి గ్రీన్ సిగ్నల్ ఇచ్చి ఉంటే మా ఇద్దరి కాంబినేషన్లో మంచి హిట్ సినిమా పడేది అంటూ ఈ సందర్భంగా మెహర్ రమేష్ టెంపర్ సినిమా గురించి పలు ఆసక్తికరమైన విషయాలను వెల్లడించారు. ఇక ప్రస్తుతం మెహర్ రమేష్ మెగాస్టార్ చిరంజీవి హీరోగా భోళా శంకర్ సినిమా చేస్తున్న విషయం తెలిసిందే.